ಸಸ್ಯಗಳಲ್ಲಿ ಲೈಂಗಿಕ ಸಂತಾನೋತ್ಪತ್ತಿ ( sexual reproduction).

   ಜೀವಿಗಳು  ಮರಿ ಜೀವಿಯನ್ನು ಹುಟ್ಟಿಸುವುದಕ್ಕೆ ಸಂತಾನೋತ್ಪತ್ತಿ (reproduction) ಎನ್ನುತ್ತೇವೆ

  ಸಂತಾನೋತ್ಪತ್ತಿ ಯಲ್ಲಿ ಎರಡು ವಿಧಗಳಿವೆ ;

ಲೈಂಗಿಕ ಸಂತಾನೋತ್ಪತ್ತಿ (sexual reproduction) ಮತ್ತು ನಿರ್ಲಿಂಗ ರೀತಿಯ ಸಂತಾನೋತ್ಪತ್ತಿ ( asexual reproduction).

ಲಿಂಗ ರೀತಿಯ ಸಂತಾನೋತ್ಪತ್ತಿ ಎಂದರೇನು ?

ಲಿಂಗಾಣುಗಳೆಂಬ ಏಕಕೋಶಿಯ ರಚನೆಗಳ ಸಂಯೋಗದಿಂದ ಹೊಸ ಜೀವಿ ಹುಟ್ಟುವುದಕ್ಕೆ ಲಿಂಗ ರೀತಿಯ ಸಂತಾನೋತ್ಪತ್ತಿ ಎನ್ನುತ್ತೇವೆ.

ಸಸ್ಯಗಳಲ್ಲಿ ಲಿಂಗ ರೀತಿಯ ಸಂತಾನೋತ್ಪತ್ತಿ ;

ಹೂವು ಸಸ್ಯದ ಸಂತಾನೋತ್ಪತ್ತಿಯ ಭಾಗವಾಗಿದೆ.ಪುಷ್ಪಪತ್ರ, ಪುಷ್ಪದಳಗಳು,ಕೇಸರಗಳು, ಶಲಾಕೆ ಹೂವಿನ ಭಾಗಗಳಾಗಿವೆ. ಕೇಸರಗಳಲ್ಲಿ ಪರಾಗರೇಣುಗಳಿದ್ದು ಗಂಡು ಲಿಂಗಾಣುಗಳನ್ನು ಒಳಗೊಂಡಿರುತ್ತದೆ.

ಶಲಾಕೆಯಲ್ಲಿ ಅಂಡಕೋಶವಿದ್ದು ಹೆಣ್ಣು ಲಿಂಗಾಣುವನ್ನು ಹೊಂದಿರುತ್ತದೆ.

   ಹೂವಿನಲ್ಲಿ ಎರಡು ವಿಧಗಳಿವೆ;ಏಕಲಿಂಗ ಪುಷ್ಪ ಮತ್ತು ದ್ವಿಲಿಂಗ ಪುಷ್ಪ.

ಏಕಲಿಂಗ ಪುಷ್ಪವು ಕೇಸರ ಅಥವಾ ಸಲಾಕೆಯನ್ನು ಹೊಂದಿರುತ್ತದೆ.ಕುಂಬಳದ ಹೂವು ಏಕಲಿಂಗ ಪುಷ್ಪಕ್ಕೆ ಉದಾಹರಣೆಯಾಗಿದೆ.

ದ್ವಿಲಿಂಗ ಪುಷ್ಪವು ಕೇಸರ ಮತ್ತು ಶಲಾಕೆ ಎರಡನ್ನೂ ಹೊಂದಿರುತ್ತದೆ. ಉದಾಹರಣೆಗೆ ದಾಸವಾಳ.

  ಪರಾಗಸ್ಪರ್ಶ (Pollination);ಒಂದು ಹೂವಿನಲ್ಲಿರುವ ಪರಾಗರೇಣುಗಳು ಅದೇ ಜಾತಿಯ ಹೂವಿನ ಶಾಲಾಕೆಯನ್ನು ತಲುಪುವುದಕ್ಕೆ ಪರಾಗಸ್ಪರ್ಶ ಎನ್ನುತ್ತೇವೆ.

ಪರಾಗಸ್ಪರ್ಶವು ಒಂದೇ ಹೂವಿನಲ್ಲಿ ನಡೆಯಬಹುದು ಅಥವಾ ಒಂದೇ ಜಾತಿಯ ಎರಡು ಹೂಗಳಲ್ಲಿ ನಡೆಯಬಹುದು.

ಒಂದು ಹೂವಿನಲ್ಲಿರುವ ಪರಾಗರೇಣುಗಳು ಅದೇ ಹೂವಿನ ಶಲಾಕಾಗ್ರವನ್ನು ತಲುಪುವುದಕ್ಕೆ ಸ್ವಕೀಯ ಪರಾಗಸ್ಪರ್ಶ ಎನ್ನುತ್ತೇವೆ.

ಒಂದು ಹೂವಿನಲ್ಲಿರುವ ಪರಾಗರೇಣುಗಳು ಅದೇ ಜಾತಿಯ ಬೇರೊಂದು ಹೂವಿನ ಶಲಾಕಾಗ್ರವನ್ನು ತಲುಪುವುದಕ್ಕೆ ಪರಕೀಯ ಪರಾಗಸ್ಪರ್ಶ ಎನ್ನುತ್ತೇವೆ.

ಪರಾಗಸ್ಪರ್ಶದ ಮೂಲಕ ಹೂವಿನಲ್ಲಿ ಗರ್ಭಧಾರಣೆಯಾಗುತ್ತದೆ.ಗರ್ಭಧಾರಣೆಯಾಗಿ ಅಂಡಾಶಯದಲ್ಲಿ ಬೀಜೋತ್ಪತ್ತಿ ಆಗುತ್ತದೆ.

ಈ ಬೀಜದಿಂದ ಹೊಸ ಸಸ್ಯ ಉತ್ಪತ್ತಿಯಾಗುತ್ತದೆ.

ವಿಸರ್ಜನೆ

ವಿದ್ಯುತ್ ಶಕ್ತಿ

    ವಿದ್ಯುಚ್ಛಕ್ತಿಯು ಒಂದು ಅತ್ಯಂತ ಅನುಕೂಲಕರ ಶಕ್ತಿಯ ರೂಪವಾಗಿದೆ.ಏಕೆಂದರೆ ವಿದ್ಯುಚ್ಛಕ್ತಿಯನ್ನು ಸುಲಭವಾಗಿ ಇತರ ಶಕ್ತಿಯ ರೂಪಗಳಿಗೆ ಪರಿವರ್ತಿಸಿಕೊಳ್ಳಬಹುದು.

ವಿದ್ಯುತ್ ಶಕ್ತಿಯ ಏಕಮಾನ ಗಳಾಗಿ ಜೂಲ್ (J),ಕಿಲೋ ಜೂಲ್ (1000J), ಯೂನಿಟ್ (ಕಿಲೋವ್ಯಾಟ್ - ಗಂಟೆ) ಗಳನ್ನು ಬಳಸುತ್ತೇವೆ.ವಿದ್ಯುಚ್ಛಕ್ತಿಯ ಅಂತರಾಷ್ಟ್ರೀಯ ಏಕಮಾನ ಜೂಲ್ ಆಗಿದೆ.

ವಿದ್ಯುಚಕ್ತಿ ಏಕಮಾನ ಒಂದು ಯೂನಿಟ್ ಎಂದರೇನು ?

  ಒಂದು ಸೆಕೆಂಡಿಗೆ ಸಾವಿರ ಜೂಲ್ (1000J) ನಂತೆ ಸತತ ಒಂದು ಗಂಟೆಗಳ ಕಾಲ ಬಳಸಲ್ಪಡುವ ವಿದ್ಯುಚ್ಛಕ್ತಿಯ ಪ್ರಮಾಣಕ್ಕೆ ಒಂದು ಯೂನಿಟ್ ಎನ್ನುತ್ತೇವೆ.ಯೂನಿಟ್ ಅನ್ನು ಕಿಲೋವ್ಯಾಟ್-ಗಂಟೆ (kWh ) ನಿಂದಲೂ ಸೂಚಿಸುತ್ತೇವೆ.

ವಿದ್ಯುತ್ ಸಾಮರ್ಥ್ಯ ಎಂದರೇನು ?

ವಿದ್ಯುಚ್ಛಕ್ತಿ ಉಪಯೋಗಿಸಲ್ಪಡುವ ದರಕ್ಕೆ ವಿದ್ಯುತ್ ಸಾಮರ್ಥ್ಯ ಎನ್ನುತ್ತೇವೆ.

P =E/t  ಇಲ್ಲಿ P = ವಿದ್ಯುತ್ ಸಾಮರ್ಥ್ಯ.

                     E =ಉಪಯೋಗವಾದ ವಿದ್ಯುಚ್ಛಕ್ತಿ .

                     t=ಉಪಯೋಗಿಸಲು ತೆಗೆದುಕೊಂಡ ಕಾಲ

ವಿದ್ಯುತ್ ಸಾಮರ್ಥ್ಯದ ಏಕಮಾನ ವ್ಯಾಟ್ ಆಗಿದೆ. ಒಂದು ವ್ಯಾಟ್ = 1J/S

ವಿದ್ಯುತ್ ಪ್ರವಾಹದ ಪರಿಣಾಮಗಳು ;

ವಿದ್ಯುತ್ ಪ್ರವಾಹವು ಮೂರು ಮುಖ್ಯ ಪರಿಣಾಮಗಳನ್ನು ಉಂಟುಮಾಡುತ್ತದೆ.

ಅವುಗಳೆಂದರೆ ವಿದ್ಯುತ್ ಕಾಂತಿಯ ಪರಿಣಾಮ, ವಿದ್ಯುತ್ ನ ರಾಸಾಯನಿಕ ಪರಿಣಾಮ, ವಿದ್ಯುತ್ನ ಉಷ್ಣೋತ್ಪನ್ನ ಪರಿಣಾಮ.

ವಿದ್ಯುತ್ಕಾಂತಿಯ ಪರಿಣಾಮವನ್ನು ಹೆನ್ರಿ ಕ್ರಿಶ್ಚಿಯನ್ ಓಯರ್ ಸ್ಟೆಡ್ ಪತ್ತೆಮಾಡಿದರು.ಕಾಂತತ್ವ ಮತ್ತು ವಿದ್ಯುಚ್ಛಕ್ತಿ ಜೊತೆಗೆ ಇರುತ್ತವೆ.ತಂತಿಯಲ್ಲಿ ವಿದ್ಯುತ್ ಹರಿದಾಗ ತಂತಿಯ ಸುತ್ತಲೂ ಕಾಂತಕ್ಷೇತ್ರ ಉಂಟಾಗುತ್ತದೆ. ಇದನ್ನು ವಿದ್ಯುತ್ ಕಾಂತಿಯ ಪರಿಣಾಮ ಎನ್ನುವರು.

ವಿದ್ಯುತ್ ನ ರಾಸಾಯನಿಕ ಪರಿಣಾಮ:

ವಿದ್ಯುತ್, ಕೆಲವು ರಾಸಾಯನಿಕಗಳ ಮೂಲಕ ಹರಿದಾಗ ರಾಸಾಯನಿಕ ಬದಲಾವಣೆಯನ್ನು ಉಂಟುಮಾಡುತ್ತದೆ. ಇದನ್ನು ವಿದ್ಯುತ್ನ ರಾಸಾಯನಿಕ ಪರಿಣಾಮ ಎನ್ನುತ್ತೇವೆ.ವಿದ್ಯುತ್ತಿನಿಂದ ರಾಸಾಯನಿಕ ಬದಲಾವಣೆಗೆ ಒಳಗಾಗುವ ರಾಸಾಯನಿಕಗಳನ್ನು ವಿದ್ಯುತ್ ವಿಭಾಜ್ಯ ಗಳು ಅಥವಾ ಎಲೆಕ್ಟ್ರೋಲೈಟ್ ಗಳು ಎನ್ನುತ್ತೇವೆ.ಉದಾಹರಣೆಗೆ ಅಡುಗೆ ಉಪ್ಪು,ಸಕ್ಕರೆ, ಹರಳೆಣ್ಣೆ ಇತ್ಯಾದಿ.

ವಿದ್ಯುತ್ನ ಉಷ್ಣೋತ್ಪನ್ನ ಪರಿಣಾಮ ;

ತಂತಿಯಲ್ಲಿ ವಿದ್ಯುತ್ ಹರಿದಾಗ ಸ್ವಲ್ಪ ವಿದ್ಯುಚ್ಛಕ್ತಿಯು ಉಷ್ಣವಾಗಿ ಪರಿವರ್ತನೆಯಾಗುತ್ತದೆ.ಇದನ್ನು ವಿದ್ಯುತ್ನ ಉಷ್ಣೋತ್ಪನ್ನ ಪರಿಣಾಮ ಎನ್ನುತ್ತೇವೆ.ವಿದ್ಯುತ್ ಬಲ್ಬ್ ,ಬಾಯ್ಲರ್ ,ವಿದ್ಯುತ್ ಇಸ್ತ್ರಿ ಪೆಟ್ಟಿಗೆ,  ವಿದ್ಯುತ್ ಫ್ಯೂಸ್ ಇತ್ಯಾದಿ ಉಪಕರಣಗಳು ವಿದ್ಯುತ್ ನ ಉಷ್ಣೋತ್ಪನ್ನ ಪರಿಣಾಮದ ಮೇಲೆ ಕೆಲಸ ಮಾಡುತ್ತವೆ.

  ವಿದ್ಯುತ್ ಫ್ಯೂಸ್ ಎಂದರೇನು ?

   ವಿದ್ಯುತ್ ಫ್ಯೂಸ್ ಒಂದು ಸುರಕ್ಷಾ ಸಾಧನ.ಇದು ಸೀಸ ಮತ್ತು ತವರ ದಿಂದ ಆದ ಮಿಶ್ರಲೋಹ ವಾಗಿದೆ.ಇದಕ್ಕೆ ವಿದ್ಯುತ್ ರೋಧ ಹೆಚ್ಚು ಮತ್ತು ದ್ರವನಬಿಂದು ಕಡಿಮೆಯಾಗಿದೆ.

ಇದನ್ನು ವಿದ್ಯುನ್ಮಂಡಲ ದ ಆರಂಭದಲ್ಲಿ ಜೋಡಿಸಿರುತ್ತಾರೆ. ಯಾವುದೇ ಕಾರಣಗಳಿಂದ ವಿದ್ಯುನ್ಮಂಡಲ ಕ್ಕೆ ನಿರ್ದಿಷ್ಟ ಮಟ್ಟಕ್ಕಿಂತ ಹೆಚ್ಚು ವಿದ್ಯುತ್ ಹರಿದು ಬಂದಾಗ ವಿದ್ಯುತ್ ಫ್ಯೂಸ್ ಕರಗಿ ವಿದ್ಯುನ್ಮಂಡಲಕ್ಕೆ ವಿದ್ಯುತ್ ಪ್ರವಾಹವನ್ನು ಕಡಿತಗೊಳಿಸುತ್ತದೆ.

ದ್ರವನಬಿಂದು ಕಡಿಮೆ ಮತ್ತು ವಿದ್ಯುತ್ ರೋಧ ಹೆಚ್ಚಿರುವುದರಿಂದ ವಿದ್ಯುತ್ ಫ್ಯೂಸ್ ಈ ಕಾರ್ಯ ಮಾಡಲು ಸಾಧ್ಯವಾಯಿತು.

ಇದರಿಂದ ವಿದ್ಯುನ್ಮಂಡಲ ಮತ್ತು ಅದರಲ್ಲಿ ಜೋಡಿಸಿರುವ ಬೆಲೆಬಾಳುವ ಉಪಕರಣಗಳು ಸುರಕ್ಷಿತವಾಗಿ ಉಳಿಯುತ್ತವೆ.ಹೀಗೆ ವಿದ್ಯುತ್ ಫ್ಯೂಸ್ ಉಂಟಾಗ ಬಹುದಾದ ದೊಡ್ಡ ಹಾನಿಯನ್ನು ತಪ್ಪಿಸುತ್ತದೆ.

ವಿದ್ಯುತ್ ಶಕ್ತಿಯ ಆಕರಗಳು ;

ವಿದ್ಯುಜ್ಜನಕ ವಿದ್ಯುತ್ತನ್ನು ಗಾಳಿ ನೀರು ಇವುಗಳ ಶಕ್ತಿಯಿಂದ ಉತ್ಪಾದಿಸುತ್ತದೆ.

ಸೌರಕೋಶಗಳು ಸೌರಶಕ್ತಿಯಿಂದ ವಿದ್ಯುತ್ ಅನ್ನು ಉತ್ಪಾದಿಸುತ್ತವೆ.

ವಿದ್ಯುತ್ ಕೋಶವು ರಾಸಾಯನಿಕ ಶಕ್ತಿಯನ್ನು ವಿದ್ಯುಚ್ಛಕ್ತಿಯನ್ನಾಗಿ ಪರಿವರ್ತಿಸುವ ಸಾಧನವಾಗಿದೆ.

ಶುಷ್ಕಕೋಶ ವೂ ರಾಸಾಯನಿಕ ಶಕ್ತಿಯನ್ನು ವಿದ್ಯುಚ್ಛಕ್ತಿಯನ್ನಾಗಿ ಪರಿವರ್ತಿಸುತ್ತದೆ.

ಕಾಂತ -ಪರಿಕಲ್ಪನಾ ನಕ್ಷೆ (ಮೈಂಡ್ ಮ್ಯಾಪ್)

ಕಾಂತ ಎಂದರೇನು ?

  ತಮ್ಮ ಸುತ್ತಲೂ ಅಗೋಚರ ಬಲದ ಕ್ಷೇತ್ರವನ್ನು ಉಂಟು ಮಾಡಿಕೊಳ್ಳುವ ಕಲ್ಲುಗಳು ಮತ್ತು ಕೆಲವು ಲೋಹಗಳನ್ನು ಕಾಂತ ಎನ್ನುತ್ತೇವೆ.ಈ ಬಲವು ಇತರ ಕಾಂತಗಳು ಮತ್ತು ಕೆಲವು ಲೋಹಗಳನ್ನು ತಮ್ಮ ಕಡೆಗೆ ಸೆಳೆಯುತ್ತವೆ.

ಕಾಂತಗಳ ಆಕರ್ಷಿಸುವ ಗುಣಕ್ಕೆ ಕಾಂತತ್ವ ಅಥವಾ ಕಾಂತೀಯತೆ ಎನ್ನುತ್ತೇವೆ.ಕಾಂತ ದಿಂದ ಆಕರ್ಷಿಸಲ್ಪಡುವ ವಸ್ತುಗಳನ್ನು ಕಾಂತೀಯ ವಸ್ತುಗಳು ಎನ್ನುತ್ತೇವೆ.

ಕಾಂತ ಆಕರ್ಷಿಸದ ವಸ್ತುಗಳನ್ನು ಅಕಾಂತೀಯ ವಸ್ತುಗಳು ಎನ್ನುತ್ತೇವೆ.

ಕಾಂತಗಳನ್ನು ಎರಡು ವಿಧಗಳಾಗಿ ವರ್ಗೀಕರಿಸಬಹುದು. ಅವುಗಳೆಂದರೆ ನೈಸರ್ಗಿಕ ಕಾಂತ ಮತ್ತು ಕೃತಕ ಕಾಂತ.

ಮ್ಯಾಗ್ನೆಟೈಟ್ ಅದಿರನ್ನು ನೈಸರ್ಗಿಕ ಕಾಂತ ಎನ್ನುತ್ತೇವೆ.ಇದಕ್ಕೆ ನಿಯತ ಆಕಾರ ವಿರುವುದಿಲ್ಲ. ದುರ್ಬಲ ಕಾಂತತ್ವವನ್ನು ಹೊಂದಿರುತ್ತದೆ. ಇವು ಇದರ ಸಾಮಾನ್ಯ ಲಕ್ಷಣಗಳು .

ಕೃತಕ ಕಾಂತಗಳನ್ನು ಅವುಗಳ ಆಕಾರಕ್ಕೆ ತಕ್ಕಂತೆ ಕರೆಯಲಾಗುತ್ತದೆ;ದಂಡಕಾಂತ, ಲಾಳ ಕಾಂತ,ಕಾಂತ ಸೂಜಿ ಇತ್ಯಾದಿಗಳು.

ನಿಯತ ಆಕಾರ, ಪ್ರಬಲವಾದ ಕಾಂತತ್ವ, ಇವು ಕೃತಕ ಕಾಂತದ ಕೆಲವು ಸಾಮಾನ್ಯ ಲಕ್ಷಣಗಳು .

ಕೃತಕ ಕಾಂತಗಳನ್ನು ಎರಡು ವಿಧಗಳಲ್ಲಿ ತಯಾರಿಸುತ್ತಾರೆ; ಯಾಂತ್ರಿಕ ವಿಧಾನ ಮತ್ತು ವಿದ್ಯುತ್ ವಿಧಾನ.

ಯಾಂತ್ರಿಕ ವಿಧಾನದಲ್ಲಿ ದಂಡಕಾಂತದ ಒಂದೇ ತುದಿಯಿಂದ ಕಾಂತೀಕರಿಸಲ್ಪಡುವ ವಸ್ತುವನ್ನು ಒಂದೇ ದಿಕ್ಕಿನಲ್ಲಿ ಹಲವುಸಲ ಉಜ್ಜುವುದರಿಂದ ತಯಾರಿಸುತ್ತಾರೆ.

ವಿದ್ಯುತ್ ವಿಧಾನದಲ್ಲಿ ಕೃತಕ ಕಾಂತ ತಯಾರಿಕೆ;

ಬೇಕಾಗುವ ವಸ್ತುಗಳು;ಉಕ್ಕಿನ ದಂಡ,ಅವಾಹಕಾವೃತ ತಾಮ್ರದ ತಂತಿ,ವಿದ್ಯುತ್ಕೋಶ.

   ಅವಾಹಕಾವೃತ್ತ ತಾಮ್ರದ ತಂತಿಯನ್ನು ಉಕ್ಕಿನ ದಂಡದ ಸುತ್ತ ಸುತ್ತಿ.ತಂತಿಯ ತುದಿಗಳನ್ನು ವಿದ್ಯುತ್ಕೋಶದ ಧ್ರುವಗಳಿಗೆ ಸಂಪರ್ಕಿಸಿ,ವಿದ್ಯುತ್ತನ್ನು ಹರಿಸಿ .ತಂತಿಯಲ್ಲಿ ವಿದ್ಯುತ್ ಹರಿಯುವಾಗ ದಂಡವೂ ಕಾಂತ ವಾಗುತ್ತದೆ. ಇದನ್ನು ವಿದ್ಯುತ್ಕಾಂತ ಎನ್ನುತ್ತೇವೆ.

ಕಾಂತದ ಗುಣಗಳು ;

1)ಕಾಂತವು ಕಬ್ಬಿಣ ಮೊದಲಾದ ಲೋಹಗಳನ್ನು ಆಕರ್ಷಿಸುತ್ತದೆ.

2)ತೂಗುಬಿಟ್ಟ ಕಾಂತವು ಯಾವಾಗಲೂ ಉತ್ತರ ದಕ್ಷಿಣ ದಿಕ್ಕಿನಲ್ಲಿ ನಿಶ್ಚಲವಾಗುತ್ತದೆ. ಏಕೆ?

 ಇದಕ್ಕೆ ಕಾರಣ ಭೂಮಿಯು ಕಾಂತದಂತೆ ವರ್ತಿಸುತ್ತದೆ.ಭೂ ಕಾಂತಕ್ಕೂ 2 ಧ್ರುವ ಗಳಿವೆ. ಉತ್ತರ ಧ್ರುವ ಮತ್ತು ದಕ್ಷಿಣ ಧ್ರುವ.ಇದರ ಕಾಂತಿಯ ಉತ್ತರ ಧ್ರುವವು ಭೌಗೋಳಿಕ ದಕ್ಷಿಣದಲ್ಲಿದೆ.ಹಾಗೂ ಕಾಂತೀಯ ದಕ್ಷಿಣಧ್ರುವ ಭೌಗೋಳಿಕ ಉತ್ತರದಲ್ಲಿದೆ.ಆದ್ದರಿಂದ ಕಾಂತ ಧ್ರುವಗಳ ನಿಯಮಾನುಸಾರ ತೂಗುಬಿಟ್ಟ ಕಾಂತ ಉತ್ತರ ದಕ್ಷಿಣ ದಿಕ್ಕಿನಲ್ಲಿ ನಿಶ್ಚಲವಾಗುತ್ತದೆ.

 ಕಾಂತು ಧ್ರುವಗಳ ನಿಯಮ ;ಸಜಾತಿಯ ಧ್ರುವಗಳು ಪರಸ್ಪರ ವಿಕರ್ಷಿಸುತ್ತವೆ.ಆದರೆ ವಿಜಾತಿಯ ಧ್ರುವಗಳು ಪರಸ್ಪರ ಆಕರ್ಷಿಸುತ್ತವೆ.

3)ಕಾಂತಕೆ 2 ಧ್ರುವ ಗಳಿವೆ.ಉತ್ತರ ದ್ರುವ  ಮತ್ತು ದಕ್ಷಿಣ ದ್ರುವ .

4)ಧ್ರುವಗಳಲ್ಲಿ ಕಾಂತತ್ವ ಅತ್ಯಧಿಕವಾಗಿರುತ್ತದೆ.

5)ಸಜಾತಿಯ ಧ್ರುವಗಳು ವಿಕರ್ಷಿಸುತ್ತವೆ ವಿಜಾತಿಯ ಧ್ರುವಗಳು ಪರಸ್ಪರ ಆಕರ್ಷಿಸುತ್ತವೆ.

6)ಕಾಂತ ದ್ರುವ ಗಳನ್ನು ಪ್ರತ್ಯೇಕ ಮಾಡಲು ಆಗದು.

7)ಒಂದೇ ಕಾಂತದ ಎರಡು ಧ್ರುವಗಳ ಆಕರ್ಷಣ ಸಾಮರ್ಥ್ಯ ಒಂದೇ ಆಗಿರುತ್ತದೆ.

8)ಕಾಂತ ವನ್ನು ಕಾಯಿಸಿದರೆ ಕಾಂತತ್ವ ನಷ್ಟವಾಗುತ್ತದೆ.

ಕಾಂತಕ್ಷೇತ್ರ;

ಕಾಂತ ಬಲವಿರುವ ಪ್ರದೇಶವನ್ನು ಕಾಂತಕ್ಷೇತ್ರ ಎನ್ನುತ್ತೇವೆ.

ಕಾಂತಕ್ಷೇತ್ರದ ಪ್ರಭಾವಕ್ಕೊಳಗಾದ ಪದಾರ್ಥಗಳ ವರ್ತನೆಯನ್ನು ಆದರಿಸಿ ಅವುಗಳನ್ನು ಮೂರು ವಿಧಗಳಾಗಿ ವಿಂಗಡಿಸುತ್ತೇವೆ ಅವುಗಳೆಂದರೆ, 1)ಡಯಾಕಾಂತಿಯ ವಸ್ತು;ಇವು ಕಾಂತೀಯ ಗುಣ ತೋರುವುದಿಲ್ಲ.

2)ಪ್ಯಾರಾ ಕಾಂತೀಯ ವಸ್ತುಗಳು;ಇವು ಕಾಂತಿಯ ಗುಣ ತೋರುತ್ತವೆ.

3)ಫೆರೋ ಕಾಂತಿಯ ವಸ್ತುಗಳು;ಸುಲಭವಾಗಿ ಕಾಂತೀಯ ಗೊಳ್ಳುತ್ತವೆ.

ಕಾಂತದ ಉಪಯೋಗಗಳು;

ಧ್ವನಿವರ್ಧಕ ಟೆಲಫೋನ್ ಡೈನಮೋ ವಿದ್ಯುತ್ ಮೋಟಾರ್ ಮೊದಲಾದ ಉಪಕರಣಗಳಲ್ಲಿ ಕಾಂತ ವನ್ನು ಬಳಸುತ್ತಾರೆ.

ಕಾಂತೀಯ ರೈಲುಗಳ ಚಾಲನೆಯಲ್ಲಿ ಬಳಸುತ್ತಾರೆ.

ಎಂ.ಆರ್.ಐ ಸ್ಕ್ಯಾನ್ ಮೂಲಕ ರೋಗನಿದಾನ ಮಾಡಲು ಬಳಸುತ್ತಾರೆ.

ಸಂಯೋಗ ಸಾಮರ್ಥ್ಯ - ರಾಸಾಯನಿಕ ಕ್ರಿಯೆ

ದಾತುವಿನ ಸಂಯೋಗ ಸಾಮರ್ಥ್ಯ ಎಂದರೇನು ?

ಧಾತುವಿನ ಪರಮಾಣುವಿನ ಬಂಧ ಸಾಮರ್ಥ್ಯವನ್ನು ಸಂಯೋಗ ಸಾಮರ್ಥ್ಯ ಎನ್ನುತ್ತೇವೆ; ಧಾತುವಿನ ಪರಮಾಣು ತನ್ನ ಇಂತಿಷ್ಟೇ ಎಲೆಕ್ಟ್ರಾನುಗಳನ್ನು ಇನ್ನೊಂದು ಪರಮಾಣುವಿಗೆ ಬಿಟ್ಟುಕೊಡುತ್ತದೆ ಅಥವಾ ಇನ್ನೊಂದು ಪರಮಾಣುವಿನಿಂದ ಇಂತಿಷ್ಟೇ ಎಲೆಕ್ಟ್ರಾನುಗಳನ್ನು ಪಡೆದುಕೊಳ್ಳುತ್ತದೆ ಅಥವಾ ಬೇರೆ ಪರಮಾಣುಗಳೊಂದಿಗೆ ತನ್ನ ಇಂತಿಷ್ಟೇ ಎಲೆಕ್ಟ್ರಾನುಗಳನ್ನು ಹಂಚಿಕೊಳ್ಳುತ್ತದೆ.

ಈ ಕ್ರಿಯೆಯನ್ನು ರಾಸಾಯನಿಕ ಕ್ರಿಯೆ ಎನ್ನುತ್ತೇವೆ.

ರಾಸಾಯನಿಕ ಕ್ರಿಯೆಯಲ್ಲಿ ಪರಮಾಣುವಿನ ವ್ಯಾಲೆನ್ಸ್ ಎಲೆಕ್ಟ್ರಾನ್ ಗಳು ಅಂದರೆ ಅತ್ಯಂತ ಹೊರಕವಚದ ಎಲೆಕ್ಟ್ರಾನ್ಗಳು ಪಾಲ್ಗೊಳ್ಳುತ್ತವೆ.

ರಾಸಾಯನಿಕ ಕ್ರಿಯೆಯ ಸಾಂಕೇತಿಕ ನಿರೂಪಣೆಯನ್ನು ರಾಸಾಯನಿಕ ಸಮೀಕರಣ ಎನ್ನುತ್ತೇವೆ.