8ನೇ ತರಗತಿ ವಿಜ್ಞಾನ|| ಕಲಿಕಾ ಚೇತರಿಕೆ || ಲೋಹಗಳು ಮತ್ತು ಅಲೋಹಗಳು || ಕಲಿಕಾ ಫಲಗಳು 3

ಕಲಿಕಾ ಫಲ 3 

 ಆಮ್ಲ ಪ್ರತ್ಯಾಮ್ಲಗಳ ಗುಣಗಳನ್ನು ಪ್ರಾಯೋಗಿಕವಾಗಿ ಪರೀಕ್ಷಿಸುವರು ಹಾಗೂ ಆಮ್ಲ ಪ್ರತ್ಯಾಮ್ಲಗಳಲ್ಲಿರುವ ಲೋಹ ಮತ್ತು ಅಲೋಹಗಳನ್ನು ಗುರುತಿಸುವರು. 

 ಕಲಿಕಾ ಹಾಳೆ 3 

  ಚಟುವಟಿಕೆ 1:ಆಮ್ಲ ಮತ್ತು ಪ್ರತ್ಯಾಮ್ಲಗಳಲ್ಲಿನ ಲೋಹಗಳು ಮತ್ತು ಅಲೋಹಗಳನ್ನು ಹೆಸರಿಸಿ:

ಚಟುವಟಿಕೆ 2:ಈ ಕೆಳಗಿನ ಕೋಷ್ಟಕದಲ್ಲಿ ನೀಡಲಾದ ಪ್ರಯೋಗವನ್ನು ಕೈಗೊಂಡು ತೀರ್ಮಾನವನ್ನು ವ್ಯಕ್ತಪಡಿಸಿ :

ತೀರ್ಮಾನ:

ಲೋಹಗಳು ಆಮ್ಲಗಳೊಂದಿಗೆ ವರ್ತಿಸಿ ಆಯಾಲೋಹದ ಲವಣ ಮತ್ತು ಹೈಡ್ರೋಜನ್ ಅನಿಲವನ್ನು ಉಂಟುಮಾಡುತ್ತದೆ.

ಅಲೋಹಗಳು ಆಮ್ಲಗಳೊಂದಿಗೆ ವರ್ತಿಸಿ ಆಯಾಲೋಹದ ಲವಣ ಮತ್ತು ಹೈಡ್ರೋಜನ್ ಗಳನ್ನು ಉತ್ಪತ್ತಿ ಮಾಡುತ್ತದೆ.

ಸಸ್ಯಗಳಲ್ಲಿ ಮೆಗ್ನೀಷಿಯಂ ಕಂಡುಬರುತ್ತದೆ ಎಂದು ಕೇಳಿದ್ದೇನೆ.ಅದು ಅವುಗಳಲ್ಲಿ ಯಾವ ರೂಪದಲ್ಲಿ ಕಂಡು ಬರುತ್ತದೆ?

ಸಸ್ಯಗಳಲ್ಲಿ ಮೆಗ್ನೀಷಿಯಂ ಪತ್ರಹರಿತಿನಲ್ಲಿದ್ದು ಡೈವ್ಯಾಲೆಂಟ್ ರೂಪದಲ್ಲಿರುತ್ತದೆ. ವೈದ್ಯರು ನನಗೆ ಕಬ್ಬಿಣಾಂಶದ ಕೊರತೆ ಇದೆ ಎಂದು ಹೇಳಿದ್ದಾರೆ.ನನ್ನ ದೇಹದಲ್ಲಿ ಕಬ್ಬಿಣ ಎಲ್ಲಿದೆ?

ನಮ್ಮ ದೇಹದಲ್ಲಿ ಕಬ್ಬಿಣಾಂಶವು ರಕ್ತದ ಕೆಂಪು ರಕ್ತ ಕಣಗಳಲ್ಲಿನ ಹಿಮೋಗ್ಲೋಬಿನ್ ನಲ್ಲಿದೆ ಮತ್ತು ಸ್ನಾಯುಕೋಶಗಳಲ್ಲಿನ ಮೈಯೋಗ್ಲೋಬಿನ್ ನಲಿದೆ.

ಚಟುವಟಿಕೆ 3:ಈ ಕೆಳಗಿನ ಕೋಷ್ಟಕದಲ್ಲಿ ನೀಡಲಾದ ಪ್ರಯೋಗವನ್ನು ಕೈಗೊಂಡು ತೀರ್ಮಾನವನ್ನು ವ್ಯಕ್ತಪಡಿಸಿ.

; 100 ಎಂಎಲ್ 5 ಬೀಕರ್ಗಳನ್ನು ತೆಗೆದುಕೊಳ್ಳಿ ಮತ್ತು ಅವುಗಳ ಮೇಲೆ ಎ ಬಿ ಸಿ ಡಿ ಮತ್ತು ಇ ಗಳೆಂದು ನಮೂದಿಸಿ.ಪ್ರತಿ ಭೀಕರ ನಲ್ಲಿ 50 ಎಮ್ಎಲ್ ನಷ್ಟು ನೀರನ್ನು ತೆಗೆದುಕೊಳ್ಳಿ.ಪ್ರತಿಯೊಂದು ಭೀಕರ ನಲ್ಲೂ ಕೊಟ್ಟಿರುವ ಪ್ರತಿಯೊಂದು ವಸ್ತುವನ್ನು ಒಂದು ಚಮಚೆಯಷ್ಟು ಅನುಕ್ರಮವಾಗಿ ವಿಲೀನಗೊಳಿಸಿ.

ತೀರ್ಮಾನ:

ಹೆಚ್ಚು ಕ್ರಿಯಾಶೀಲ ಲೋಹಗಳು ಕಡಿಮೆ ಕ್ರಿಯಾಶೀಲ ಲೋಹಗಳನ್ನು ಸ್ಥಳಾಂತರಿಸುತ್ತವೆ.ಆದರೆ ಕಡಿಮೆ ಕ್ರಿಯಾಶೀಲ ಲೋಹಗಳು ಹೆಚ್ಚು ಕ್ರಿಯಾಶೀಲ ಲೋಹಗಳನ್ನು ಸ್ಥಳಾಂತರಿಸಲಾರವು.

ನನ್ನ ತಿಳುವಳಿಕೆಯನ್ನು ನಾನೇ ಪರಿಶೀಲಿಸಿಕೊಳ್ಳುವೆ.

1.ಸೋಡಿಯಂ ಮತ್ತು ಪೊಟ್ಯಾಶಿಯಂ ಗಳನ್ನು ಸೀಮೆಎಣ್ಣೆಯಲ್ಲಿ ಸಂಗ್ರಹಿಸಿಟ್ಟಿರುತ್ತಾರೆ.ಏಕೆ?

ಸೋಡಿಯಂ ಮತ್ತು ಪೊಟ್ಯಾಶಿಯಂ ಗಳು ಕ್ರಿಯಾಶೀಲ ಧಾತುಗಳಾಗಿದ್ದು ಗಾಳಿಯಲ್ಲಿರುವ ಆಕ್ಸಿಜನ್ ನೊಂದಿಗೆ ಪ್ರತಿಕ್ರೀಯಿಸುತ್ತವೆ.ಆದ್ದರಿಂದ ಸೋಡಿಯಂ ಮತ್ತು ಪೊಟ್ಯಾಶಿಯಂ ಗಳನ್ನು ಸೀಮೆಎಣ್ಣೆಯಲ್ಲಿ ಸಂಗ್ರಹಿಸಿಟ್ಟಿರುತ್ತಾರೆ

2.ನಿಂಬೆಹಣ್ಣಿನ ಉಪ್ಪಿನಕಾಯಿಯನ್ನು ಅಲ್ಯೂಮಿನಿಯಂ ಪಾತ್ರೆಯಲ್ಲಿ ಸಂಗ್ರಹಿಸಿಡಬಹುದೇ?ವಿವರಿಸಿ.

ನಿಂಬೆ ಉಪ್ಪಿನಕಾಯಿಯನ್ನು ಅಲ್ಯೂಮಿನಿಯಂ ಫಾಯಿಲ್‌ನಲ್ಲಿ ಇರಿಸಿದರೆ, ಸಿಟ್ರಿಕ್ ಆಮ್ಲವು ಅಲ್ಯೂಮಿನಿಯಂನೊಂದಿಗೆ ಪ್ರತಿಕ್ರಿಯಿಸಿ ಉಪ್ಪನ್ನು ರೂಪಿಸುತ್ತದೆ ಮತ್ತು ಹೈಡ್ರೋಜನ್ ಅನಿಲವನ್ನು ಬಿಡುಗಡೆ ಮಾಡುತ್ತದೆ. ಹೈಡ್ರೋಜನ್ ಬಿಡುಗಡೆಯು ಉಪ್ಪಿನಕಾಯಿಯನ್ನು ಹಾಳುಮಾಡುತ್ತದೆ ಮತ್ತು ಅದು ಇನ್ನು ಮುಂದೆ ತಿನ್ನಲು ಯೋಗ್ಯವಾಗಿರುವುದಿಲ್ಲ. ಆದ್ದರಿಂದ, ಅಲ್ಯೂಮಿನಿಯಂ ಪಾತ್ರೆಯಲ್ಲಿ ನಿಂಬೆ ಉಪ್ಪಿನಕಾಯಿಯನ್ನು ಸಂಗ್ರಹಿಸದಿರುವುದು ಒಳ್ಳೆಯದು.

ಲೋಹದ ಯಾವ ಗುಣವೂ ಚಾಕ್ಲೆಟ್ ಹಾಳೆಯ ಬಳಕೆಗೆ ಯೋಗ್ಯವಾಗಿದೆ?

ಲೋಹವು ಕಠಿಣವಾಗಿದ್ದು,ಗಾಳಿ ಬೆಳಕು ಮತ್ತು ತೇವಾಂಶದಿಂದ ಚಾಕಲೇಟ್ ಗೆ ರಕ್ಷಣೆಯನ್ನು ಒದಗಿಸುತ್ತದೆ.

4.ಈ ಕೆಳಗಿನ ಅಲೋಹ ಹಾಗೂ ಅವುಗಳ ಬಳಕೆಯನ್ನು ಹೊಂದಿಸಿ ಬರೆಯಿರಿ.

ಯಾವ ಅಲೋಹವು ಗಾಳಿಯೊಂದಿಗೆ ವರ್ತಿಸಿ ಬೆಂಕಿ ಉತ್ಪತ್ತಿ ಮಾಡುತ್ತದೆ? 

   ರಂಜಕವು ಗಾಳಿಯೊಂದಿಗೆ ವರ್ತಿಸಿ ಬೆಂಕಿ ಉತ್ಪತ್ತಿ ಮಾಡುವ ಅಲೋಹವಾಗಿದೆ.

8ನೇ ತರಗತಿ ಗಣಿತ ಭಾಗ 2 ಅಭ್ಯಾಸ 6.1

ಈ ವೀಡಿಯೋದಲ್ಲಿ 8ನೇ ತರಗತಿ ಗಣಿತ ಭಾಗ-2 ರ ಅಭ್ಯಾಸ 6.1 ರಲ್ಲಿನ 3 ನೇ ಮುಖ್ಯ ಪ್ರಶ್ನೆ ಅಪವರ್ತಿಸಿ. ಯ 5 ಉಪ ಪ್ರಶ್ನೆಗಳಿಗೆ ಉತ್ತರಿಸಲಾಗಿದೆ. ವೀಕ್ಷಣೆಗೆ ಧನ್ಯವಾದಗಳು.

ನಮ್ಮ ಸೌರವ್ಯೂಹ

ಈ ಮೈಂಡ್ ಮ್ಯಾಪ್ ಅನ್ನು click ಮಾಡಿ ಜೂಮ್ ಮಾಡಿ ನೋಡಿ. ಸೌರವ್ಯೂಹವು ಸೂರ್ಯನನ್ನು ಒಳಗೊಂಡಂತೆ ಸಾವಿರಾರು ಆಕಾಶ ಕಾಯಗಳ ಒಂದು ವ್ಯವಸ್ಥಿತ ಅಸ್ತಿತ್ವವಾಗಿದೆ. ಸೌರವ್ಯೂಹದ ಕೇಂದ್ರ ಬಿಂದು ಸೂರ್ಯ ಆಗಿದೆ.ಸೌರವ್ಯೂಹದ ಶೇಕಡಾ 99 ರಷ್ಟು ದ್ರವ್ಯರಾಶಿಯನ್ನು ಸೂರ್ಯನು ಹೊಂದಿದ್ದಾನೆ.ಸೂರ್ಯ ಒಂದು ನಕ್ಷತ್ರವಾಗಿದ್ದು ಸೌರವ್ಯೂಹದ ಕೇಂದ್ರದಲ್ಲಿದೆ.ಸೂರ್ಯನ ಗುರುತ್ವಾಕರ್ಷಣ ಬಲ ಸೌರವ್ಯೂಹದ ಎಲ್ಲವನ್ನು ಸೆಳೆಯುತ್ತಿದೆ.ಸೂರ್ಯನ ಸುತ್ತ ಎಂಟು ಗ್ರಹಗಳು ವಿವಿಧ ಕಕ್ಷೆಗಳಲ್ಲಿ ಸುತ್ತುತ್ತಿವೆ.ಕಕ್ಷೆ ಎಂದರೆ ಆಕಾಶಕಾಯಗಳು ನಕ್ಷತ್ರ, ಗ್ರಹ ,ಚಂದ್ರಗಳ ಸುತ್ತ ಸುತ್ತುವ ವಕ್ರ ಪಥವಾಗಿದೆ. ಸೂರ್ಯನ ಸುತ್ತುವ ಎಂಟು ಗ್ರಹಗಳನ್ನು ಮೂರು ಗುಂಪುಗಳಾಗಿ ವರ್ಗಿಕರಿಸಬಹುದು.ಅವುಗಳೆಂದರೆ ಶಿಲಾಗ್ರಹಗಳು,ಅನಿಲ ದೈತ್ಯಗಳು,ಹಿಮ ದೈತ್ಯಗಳು. ಬುಧ ಶುಕ್ರ ಭೂಮಿ ಮಂಗಳ ಇವು ಶಿಲಾ ಗ್ರಹಗಳು. ಏಕೆಂದರೆ ಇವು ಪ್ರಧಾನವಾಗಿ ಬಂಡೆಗಳು ಮತ್ತು ಲೋಹಗಳಿಂದ ಮಾಡಲ್ಪಟ್ಟಿದೆ. ಗುರು ಮತ್ತು ಶನಿ ಗ್ರಹಗಳನ್ನು ಅನಿಲ ದೈತ್ಯಗಳು ಎನ್ನುತ್ತೇವೆ.ಏಕೆಂದರೆ ಇವು ಬಹುಪಾಲು ಅನಿಲಗಳಿಂದ ಮಾಡಲ್ಪಟ್ಟಿವೆ. ಯುರೇನಸ್ ಮತ್ತು ನೆಪ್ಟ್ಯೂನ್ ಗಳನ್ನು ಹಿಮದೈತ್ಯಗಳು ಎನ್ನುತ್ತೇವೆ ಏಕೆಂದರೆ ಇವುಗಳು ಹಿಮದಿಂದಾದ ಕೇಂದ್ರವನ್ನು ಹೊಂದಿವೆ. ಈಗ ನಾವು ಸೂರ್ಯನನ್ನು ಸುತ್ತುವ ಎಂಟು ಗ್ರಹಗಳ ಲಕ್ಷಣಗಳನ್ನು ಒಂದೊಂದಾಗಿ ಗಮನಿಸೋಣ. ಆ ಎಂಟು ಗ್ರಹಗಳು ಯಾವುವೆಂದರೆ ಸೂರ್ಯನಿಂದ ಅವುಗಳಿಗೆ ಇರುವ ದೂರದ ಅನುಕ್ರಮದಲ್ಲಿ ಬುಧ ಶುಕ್ರ ಭೂಮಿ ಮಂಗಳ ಗುರು ಶನಿ ಯುರೇನಸ್ ನೆಪ್ಟ್ಯೂನ್. ಮೊದಲಿಗೆ ಬುಧ ಗ್ರಹದ ಕೆಲವು ಲಕ್ಷಣಗಳನ್ನು ತಿಳಿಯೋಣ ;ಇದು ಸೌರವ್ಯೂಹದ ಅತಿ ಚಿಕ್ಕ ಗ್ರಹ.ಇದು ಸೂರ್ಯನಿಗೆ ಅತಿ ಹತ್ತಿರದ ಗ್ರಹವಾಗಿದೆ.ಇತರ ಕೇಂದ್ರದಲ್ಲಿ ಘನ ಕಬ್ಬಿಣವಿದೆ.ಇದರ ಪರಿಬ್ರಮಣಾವಧಿಯು 88 ದಿನಗಳಾಗಿದೆ. ಈಗ ಶುಕ್ರ ಗ್ರಹದ ಬಗೆಗಿನ ಕೆಲವು ಅಂಶಗಳನ್ನು ನೋಡೋಣ;ಶುಕ್ರ ಇದು ಅತಿ ಹೆಚ್ಚಿನ ತಾಪವನ್ನು ಹೊಂದಿರುವ ಗ್ರಹ.ಇದು ಭೂಮಿಗೆ ಅತ್ಯಂತ ಸಮೀಪವಿರುವ ಗ್ರಹವಾಗಿದೆ.ಇದು ಗಡಿಯಾರದ ದಿಕ್ಕಿನಲ್ಲಿ ಸೂರ್ಯನನ್ನು ಸುತ್ತುತ್ತದೆ.ಇದು ದಪ್ಪನೆಯ ವಾತಾವರಣದ ಹೊದಿಕೆಯನ್ನು ಹೊಂದಿದೆ. ಭೂಮಿಯು ಜೀವಕ್ಕೆ ಪ್ರೋತ್ಸಾಹ ನೀಡುವ ಗ್ರಹವಾಗಿದೆ.ಇದರ ಬಹುಪಾಲು ನೀರಿನಿಂದ ಆವೃತಗೊಂಡಿದೆ.ಭೂಕೇಂದ್ರವು ನಿಕಲ್ ಮತ್ತು ಕಬ್ಬಿಣದಿಂದ ಆಗಿದೆ.ಭೂಮಿಯ ಪರಿಭ್ರಮಣ ಅವಧಿಯು 365 ದಿನಗಳಾಗಿದೆ. ಮಂಗಳವು ಕೆಂಪು ಗ್ರಹ ಎಂದು ಕರೆಯಲ್ಪಡುತ್ತದೆ.ಇದರ ಮಣ್ಣಿನಲ್ಲಿ ಕಬ್ಬಿಣದ ಆಕ್ಸೈಡ್ ಇದೆ.ಭೂಮಿಯಂತೆ ಇದರ ಕೇಂದ್ರವೂ ಕೂಡ ನಿಕ್ಕಲ್ ಮತ್ತು ಕಬ್ಬಿಣದಿಂದ ಆಗಿದೆ.ಮಂಗಳ ಗ್ರಹದಲ್ಲಿ ದ್ರವರೂಪದ ನೀರು ಮತ್ತು ವಾತಾವರಣ ಇದೆ.ಇದರ ಪರಿಭ್ರಮಣ ಅವಧಿ 687 ದಿನಗಳಾಗಿದೆ. ಗುರು ಗ್ರಹವು ಸೌರವ್ಯೂಹದ ಅತಿ ದೊಡ್ಡ ಗ್ರಹವಾಗಿದೆ.ಇದರ ದ್ರವ್ಯರಾಶಿ ಎಷ್ಟಿದೆ ಅಂದರೆ ಇತರ ಎಲ್ಲಾ ಗ್ರಹಗಳ ದ್ರವ್ಯರಾಶಿಯ ಎರಡು ಪಟ್ಟು ದ್ರವ್ಯರಾಶಿಯನ್ನು ಹೊಂದಿದೆ.ಇದು ಬಹುಪಾಲು ಹೀಲಿಯಂ ಮತ್ತು ಹೈಡ್ರೋಜನ್ ಅನಿಲಗಳಿಂದ ಆಗಿದೆ.ಆದ್ದರಿಂದ ಇದನ್ನು ಅನಿಲ ದೈತ್ಯ ಎನ್ನುತ್ತೇವೆ.ಇದು ಅತಿ ವೇಗವಾಗಿ ಪರಿಭ್ರಮಿಸುವ ಗ್ರಹವಾಗಿದೆ. ಶನಿ ಗ್ರಹವು ಸೌರವ್ಯೂಹದ ಅನಿಲ ದೈತ್ಯಗಳಲ್ಲೊಂದು.ಇದು ಕೂಡ ಹೈಡ್ರೋಜನ್ ಮತ್ತು ಹೀಲಿಯಂಗಳಿಂದಾಗಿದೆ.ಇದಕ್ಕೆ ಉಂಗುರ ವ್ಯವಸ್ಥೆ ಇದೆ.ಈ ಉಂಗುರಗಳುಬಂಡೆಗಳು ದೂಳು ಮತ್ತು ಹಿಮದಿಂದ ಕೂಡಿವೆ.ಇದು ಬಿರುಗಾಳಿಯ ವಾತಾವರಣವನ್ನು ಹೊಂದಿದೆ. ಈಗ ನಾವು ಸೌರವ್ಯೂಹದ ಹಿಮ ದೈತ್ಯಗಳಾದ ಯುರೇನಸ್ ಮತ್ತು ನೆಪ್ಟ್ಯೂನ್ ಗ್ರಹಗಳ ಬಗ್ಗೆ ತಿಳಿಯೋಣ.ಇವುಗಳು ಭಾರವಾದ ಅನಿಲಗಳಾದ ಆಕ್ಸಿಜನ್ ನೈಟ್ರೋಜನ್ ಮತ್ತು ಕಾರ್ಬನ್ ಸಲ್ಪರ್ ಗಳಿಂದ ಕೂಡಿದೆ.ಇವುಗಳಲ್ಲಿ ಮೀಥೇನ್ ಮೋಡಗಳಿವೆ.ಮೀಥೇನ್ನ್ ಕೆಂಪು ಬಣ್ಣವನ್ನು ಹೀರಿಕೊಂಡು ನೀಲಿ ಬಣ್ಣವನ್ನು ಪ್ರತಿಫಲಿಸುತ್ತವೆ. ನೆಪ್ಚೂನ್ ಗ್ರಹವು ಸೂರ್ಯನಿಂದ ಅತಿ ಹೆಚ್ಚು ದೂರದಲ್ಲಿದೆ.

ಗ್ರಾಫೈಟ್ ನ ಲಕ್ಷಣಗಳು ಮತ್ತು ಉಪಯೋಗಗಳು

  

ಗ್ರಾಫೈಟ್ ನ ಲಕ್ಷಣಗಳು;

       ಗ್ರಾಫೈಟ್  ಕಾರ್ಬನ್ನಿನ ಬಹುರೂಪವಾಗಿದೆ.

ಗ್ರಾಫೈಟ್ ಹೊಳೆಯುತ್ತದೆ.

ಗ್ರಾಫೈಟ್ ನಲ್ಲಿ ಪರಮಾಣುಗಳು ಪದರುಗಳಾಗಿ ಜೋಡಣೆಗೆ ಒಳಪಟ್ಟಿದ್ದು ಮೃದುವಾದ ವಸ್ತುವಾಗಿದೆ.

ಗ್ರಾಫೈಟ್ ವು ತಾಪ ಮತ್ತು ವಿದ್ಯುತ್ನ ಉತ್ತಮ ವಾಹಕವಾಗಿದೆ.

ಗ್ರಾಫೈಟ್ ರಾಸಾಯನಿಕವಾಗಿ ಜಡ ವಸ್ತುವಾಗಿದೆ.

ಗ್ರಾಫೈಟ್ ನ ಉಪಯೋಗಗಳು;

ಗ್ರಾಫೈಟ್ ಅನ್ನು ಪೆನ್ಸಿಲ್ ತಯಾರಿಕೆಯಲ್ಲಿ ಉಪಯೋಗಿಸುತ್ತಾರೆ.

ಗ್ರಾಫೈಟ್ ಅನ್ನು ಲೂಬ್ರಿಕೆಂಟ್ ಆಗಿ ಉಪಯೋಗಿಸುತ್ತಾರೆ.

ಗ್ರಾಫೈಟ್ ಅನ್ನು ಉಷ್ಣ ನಿರೋಧಕ ಮೂಸೆಗಳಲ್ಲಿ ಉಪಯೋಗಿಸುತ್ತಾರೆ.

ಗ್ರಾಫೈಟ್ ಅನ್ನು ವಿದ್ಯುದಾಗರ ಗಳ ತಯಾರಿಕೆಯಲ್ಲಿ ಬಳಸುತ್ತಾರೆ.

ಅನ್ನು ಬೈಜಿಕ ಸ್ಥಾವರಗಳಲ್ಲಿ ಮಂದಕವಾಗಿ ಬಳಸುತ್ತಾರೆ.

6ನೇ ತರಗತಿ ವಿಜ್ಞಾನ ಘಟಕ ಪರೀಕ್ಷೆ ಪ್ರಶ್ನೆಗಳು

I. ಸರಿಯಾದ ಉತ್ತರವನ್ನು ಆರಿಸಿ ಬರೆಯಿರಿ.

1. ಹುಲಿಯು ಒಂದು _______________

     a)ಸಸ್ಯಹಾರಿ    b)ಮಿಶ್ರಹಾರ   c)ಮಾಂಸಹಾರಿ

2.ಇವುಗಳಲ್ಲಿ ಶಕ್ತಿ ನೀಡುವ ಪೋಷಕಾಂಶ ______________

  a)ಪ್ರೋಟೀನ್  b)ಕೊಬ್ಬು    c)ವಿಟಮಿನ್

3.ಇವುಗಳಲ್ಲಿ ನೈಸರ್ಗಿಕ ನಾರು  ____________

   a)ಸೆಣಬು    b)ನೈಲಾನ್     c) ಪಾಲಿಯೆಸ್ಟರ್

4.ಇವುಗಳಲ್ಲಿ ಸಸ್ಯದ ಕಾಂಡದಿಂದ ಪಡೆಯುವ ನಾರು :__________

   a) ರೇಷ್ಮೆ         b)ಹತ್ತಿ            c) ಸೆಣಬು

5.ಇವುಗಳಲ್ಲಿ ಬಟ್ಟೆಯನ್ನು ತಯಾರಿಸದ ಕ್ರಿಯೆ ___________ 

   a)ನೂಲುವುದು  b)ಹೆಣೆಯುವುದು c)ನೇಯುವುದು

II. 1ನೇ ಪಟ್ಟಿಯಲ್ಲಿರುವ  ವಸ್ತುಗಳನ್ನು 2ನೇ ಪಟ್ಟಿಯಲ್ಲಿರುವ ಅವುಗಳ ಮೂಲದೊಂದಿಗೆ ಹೊಂದಿಸಿ ಬರೆಯಿರಿ.

1. ಚಪಾತಿ                      --- ಕಡ್ಲೆಕಾಳು

2. ಸಕ್ಕರೆ                        --- ತೆಂಗಿನ ನಾರು

3.ಪ್ರೋಟೀನ್                 --- ಹಿಟ್ಟು, ನೀರು

4.ಕಾರ್ಬೋಹೈಡ್ರೇಟ್        --- ನೇಯುವುದು

5. ಹಗ್ಗ                           --- ಕಬ್ಬು

                                     --- ಅಕ್ಕಿ

III.ಮೊದಲ ಜೋಡಿಯ ಸಂಬಂಧ  ಅರಿತು ಎರಡನೇ ಜೋಡಿಯನ್ನು ಪೂರ್ಣಗೊಳಿಸಿ

1. ಹಾಲು : ಪ್ರಾಣಿಜನ್ಯ : : ಕ್ಯಾರೆಟ್ :_________

2. ಅಯೋಡಿನ್ ದ್ರಾವಣ :ಪಿಷ್ಟದ ಪರೀಕ್ಷೆ : : ತಾಮ್ರದ ಸಲ್ಪೇಟ್ ದ್ರಾವಣ :__________

3.ವಿಟಮಿನ್ ಸಿ : ಸ್ಕರ್ವಿ : : ವಿಟಮಿನ್ ಡಿ :_________

4.ನೂಲುವುದು : ನೂಲು : : ನೇಯುವುದು :_________

IV.ಕೆಳಗಿನವುಗಳಿಗೆ ಕಿರು ಉತ್ತರ ನೀಡಿ.

1.ತೆಂಗಿನ ನಾರಿನಿಂದ ತಯಾರಿಸುವ ವಸ್ತುವೊಂದನ್ನು ತಿಳಿಸಿ.

2.ಸಸ್ಯಗಳನ್ನು ಮಾತ್ರ ತಿನ್ನುವ ಪ್ರಾಣಿಗಳನ್ನು ಏನೆನ್ನುವರು ?

3.ನಮ್ಮ ಮೂಳೆಗಳನ್ನು ಆರೋಗ್ಯವಾಗಿಡಲು ಅಗತ್ಯವಿರುವ ಖನಿಜ ಯಾವುದು?

4.ಸಂಶ್ಲೇಷಿತ ನಾರಿಗೆ ಒಂದು ಉದಾಹರಣೆ ಕೊಡಿ.

V.ಬಿಟ್ಟ ಸ್ಥಳಗಳನ್ನು ಸೂಕ್ತ ಪದಗಳಿಂದ ತುಂಬಿ.

1.ಪ್ರಾಣಿಯ ನಾರುಗಳು _________ ಮತ್ತು _________

2.ನಮ್ಮ ಆಹಾರದಲ್ಲಿ ____________ ನ ಕೊರತೆಯಿಂದ ಇರುಳು ಕುರುಡುತನ ಉಂಟಾಗುತ್ತದೆ.

3.ಬೆರಿಬೆರಿ ರೋಗವು ____________ ನ ಕೊರತೆಯಿಂದ ಉಂಟಾಗುತ್ತದೆ.

4.ಜಿಂಕೆಯು ಸಸ್ಯ ಉತ್ಪನ್ನಗಳನ್ನು ಮಾತ್ರ ತಿನ್ನುತ್ತದೆ.ಆದ್ದರಿಂದ ಇದು __________

VI.ಈ ಕೆಳಗಿನವುಗಳಿಗೆ ಸೂಕ್ತವಾದ ಒಂದು ಪದ ನೀಡಿ.

1.ಕಾರ್ಬೋಹೈಡ್ರೇಟ್ಗಳು,ಪ್ರೋಟೀನ್ ಗಳು,ಕೊಬ್ಬು,ವಿಟಮಿನ್ ಗಳು,ಮತ್ತು ಖನಿಜಗಳು;_______________

2.ಎಲ್ಲಾ ಪೋಷಕಾಂಶಗಳನ್ನು ಅಗತ್ಯ ಪ್ರಮಾಣದಲ್ಲಿ ಹೊಂದಿರುವ ಆಹಾರ :______________

3.ಹತ್ತಿಯಿಂದ ಬೀಜವನ್ನು ಬೇರ್ಪಡಿಸುವ ಕ್ರಿಯೆ :_____________

4.ಪ್ರಾಣಿಗಳನ್ನು ಮಾತ್ರ ತಿನ್ನುವ ಪ್ರಾಣಿಗಳು :______________

VII.ಈ ಕೆಳಗಿನವುಗಳಿಗೆ ಗೆರೆ ಹಾಕಿರುವ ಪದಗಳನ್ನು ತಿದ್ದಿ ಸರಿಯಾದ ಹೇಳಿಕೆ ರಚಿಸಿ.

1.ಗಿಳಿಯು ಪ್ರಾಣಿ ಉತ್ಪನ್ನಗಳನ್ನು ಮಾತ್ರ ತಿನ್ನುತ್ತದೆ.

2.ಎಲ್ಲ ಜೀವಿಗಳಿಗೂ ಒಂದೇ ತರಹದ ಆಹಾರವು ಅವಶ್ಯ.

3.ದೇಹಕ್ಕೆ ಎಲ್ಲಾ ಪೋಷಕಗಳನ್ನು ಒದಗಿಸಲು ಮಾಂಸ ಮಾತ್ರ ಸಾಕು.

4.ಪಾಲಿಯೆಸ್ಟರ್ ಒಂದು ನೈಸರ್ಗಿಕ ನಾರು.

7 ನೇ ತರಗತಿ ವಿಜ್ಞಾನ ಘಟಕ ಪರೀಕ್ಷಾ ಪ್ರಶ್ನೆಗಳು

I.ಸರಿಯಾದ ಉತ್ತರವನ್ನು ಆರಿಸಿ ಬರೆಯಿರಿ.

1.ಕೀಟಗಳನ್ನು ಹಿಡಿಯುವ ಮತ್ತು ತಿನ್ನುವ ಸಸ್ಯ.

   a)ಕಸ್ಕ್ಯೂಟ          b)ದಾಸವಾಳ           c)ಹೂಜಿಗಿಡ            d)ಗುಲಾಬಿ

2. ದ್ಯುತಿಸಂಶ್ಲೇಷಣೆಗಾಗಿ ವಾತಾವರಣದಿಂದ ಕಾರ್ಬನ್ ಡೈಯಾಕ್ಸೈಡ್ ಒಳತೆಗೆದುಕೊಳ್ಳುವ ಸಸ್ಯದ ಭಾಗ.

   a)ಬೇರು ರೋಮ       b)ಪತ್ರ ರಂಧ್ರಗಳು         c)ಎಲೆಯ ಸಿರೆಗಳು        d)ದಳಗಳು

3.ದ್ಯುತಿಸಂಶ್ಲೇಷಣೆಯಲ್ಲಿ ಸೌರ ಶಕ್ತಿಯು ಈ ಶಕ್ತಿಯಾಗಿ ಪರಿವರ್ತಿಸಲ್ಪಡುತ್ತದೆ.

   a)ಕಾಂತಶಕ್ತಿ       b)ರಾಸಾಯನಿಕ ಶಕ್ತಿ         c)ವಿದ್ಯುತ್ ಶಕ್ತಿ       d)ಯಾಂತ್ರಿಕ ಶಕ್ತಿ.

4.ಕೊಬ್ಬು ಸಂಪೂರ್ಣವಾಗಿ ಇಲ್ಲಿ ಜೀರ್ಣಗೊಳ್ಳುತ್ತದೆ.

    a)ಜಠರ           b)ಬಾಯಿ            c)ಸಣ್ಣ ಕರುಳು                 d)ದೊಡ್ಡ ಕರುಳು

5.ಜೀರ್ಣಗೊಳ್ಳದ ಆಹಾರದಿಂದ ನೀರು ಮುಖ್ಯವಾಗಿ ಇಲ್ಲಿ ಹೀರಲ್ಪಡುತ್ತದೆ.

  a)ಜಠರ              b)ಅನ್ನನಾಳ            c)ಸಣ್ಣ ಕರುಳು                 d)ದೊಡ್ಡ ಕರುಳು

II.ಒಂದನೇ ಪಟ್ಟಿಯಲ್ಲಿರುವ ಅಂಶಗಳನ್ನು ಎರಡನೇ ಪಟ್ಟಿಯಲ್ಲಿರುವ ಉದಾಹರಣೆಗಳೊಂದಿಗೆ ಹೊಂದಿಸಿ ಬರೆಯಿರಿ.

1.ಸ್ವಪೋಷಕಗಳು      --- ಹೂಜಿ ಗಿಡ

2.ಕೀಟಹಾರಿ ಸಸ್ಯಗಳು --- ಹುಲಿ

3.ಕೊಳೆತಿನಿಗಳು         --- ಕಸ್ಕ್ಯೂಟ

4. ಪರಾವಲಂಬಿಗಳು   --- ಹಸಿರು ಸಸ್ಯಗಳು

5.ಮಾಂಸಾಹಾರಿಗಳು   --- ಶಿಲೀಂದ್ರಗಳು

III.ಬಿಟ್ಟ ಸ್ಥಳಗಳನ್ನು ಸೂಕ್ತ ಪದಗಳಿಂದ ತುಂಬಿ.

1.ಸಸ್ಯಗಳಿಂದ ಸಂಶೇಷಿಸಲ್ಪಟ್ಟ ಆಹಾರವು _____________ ರೂಪದಲ್ಲಿ ಸಂಗ್ರಹವಾಗುವುದು.

2. ದ್ಯುತಿ ಸಂಶ್ಲೇಷಣೆಯಲ್ಲಿ ಸೌರ ಶಕ್ತಿಯನ್ನು ಹಿಡಿದಿಟ್ಟುಕೊಳ್ಳುವ ವರ್ಣಕ _____________.

3.ಮನುಷ್ಯನ ದೇಹದಲ್ಲಿ ಅತ್ಯಂತ ದೊಡ್ಡ ಗ್ರಂಥಿ ___________.

4.ಅಮೀಬಾವು ತನ್ನ ಆಹಾರವನ್ನು _______________ ಯಲ್ಲಿ ಜೀರ್ಣಿಸುತ್ತದೆ.

IV.ಒಂದು ಜೋಡಿಯ ಸಂಬಂಧ ಅರಿತು ಇನ್ನೊಂದು ಜೋಡಿಯನ್ನು ಪೂರ್ಣಗೊಳಿಸಿ.

1.ಲಾಲಾ ರಸ ಸ್ರವಿಕೆ : ಲಾಲಾ ರಸ ಗ್ರಂಥಿ : : ಪಿತ್ತರಸ ಸ್ರವಿಕೆ : _____________

2.ಕೊಬ್ಬು : _________________ : : ಪ್ರೋಟೀನ್ : ಅಮೈನೋ ಆಮ್ಲ

3.ಆಹಾರ ಹೀರಿಕೆ : ಸಣ್ಣ ಕರುಳು : : ಬ್ಯಾಕ್ಟೀರಿಯಾ ಗಳನ್ನು ಕೊಲ್ಲುವುದು : ____________

4._____________ : ಕಸ್ಕ್ಯೂಟ : : ಕೀಟಹಾರಿ ಸಸ್ಯ : ಹೂಜಿ ಗಿಡ

V.ಇವುಗಳನ್ನು ಸೂಚಿಸುವ ಸೂಕ್ತವಾದ ಒಂದು ಪದ ನೀಡಿ.

1.ಕಾರ್ಬೋಹೈಡ್ರೇಟ್ ಪ್ರೋಟೀನ್ ಕೊಬ್ಬು ವಿಟಮಿನ್ ಮತ್ತು ಖನಿಜಗಳು ; ________________

2.ತಮ್ಮ ಆಹಾರವನ್ನು ತಾವೇ ತಯಾರಿಸಿಕೊಳ್ಳುವ ಸಸ್ಯಗಳು;_____________

3.ಬಾಯಿಯ ಕುಹರ,ಅನ್ನನಾಳ,ಜಠರ,ಸಣ್ಣ ಕರುಳು,ದೊಡ್ಡ ಕರುಳು, ಗುದನಾಳ ; ________________

4.ಆಹಾರ ಸೇವನೆ, ಜೀರ್ಣಕ್ರಿಯೆ,ಹೀರಿಕೆ, ಸ್ವಾಂಗೀಕರಣ, ವಿಸರ್ಜನೆ; _____________

VI.ಈ ಕೆಳಗಿನವುಗಳನ್ನು ಹೆಸರಿಸಿ.

1. ದ್ಯುತಿ ಸಂಶ್ಲೇಷಣೆಯಲ್ಲಿ ಬಿಡುಗಡೆಯಾಗುವ ಅನಿಲ.

2.ಎಲೆಗಳು ಅನಿಲ ವಿನಿಮಯ ನಡೆಸುವ ರಂದ್ರಗಳು.

3.ಸಸ್ಯಗಳು ಆಹಾರ ತಯಾರಿಸುವ ಕ್ರಿಯೆ.

4.ಸಣ್ಣ ಕರುಳಿನ ಒಳಬಿತ್ತಿಯಲ್ಲಿರುವ ಹಲವಾರು ಬೆರಳಿನಂತಹ ರಚನೆಗಳು.

VII.ಈ ಕೆಳಗಿನವುಗಳಿಗೆ ಕಿರು ಉತ್ತರ ನೀಡಿ.

1.ಯಾವುದನ್ನು ಸೇವಿಸಿದರೆ ನಮಗೆ ತಕ್ಷಣ ಶಕ್ತಿ ಸಿಗುವುದು?

2.ಜೀರ್ಣ ಕ್ರಿಯೆಯಲ್ಲಿ ಬಾಯಿಯ ಪಾತ್ರವೇನು?

3.ವಿಲ್ಲೈಗಳ ಕಾರ್ಯ ತಿಳಿಸಿ.

4.ಬೇಯಿಸಿದ ಎಲೆಯ ಮೇಲೆ ಅಯೋಡಿನ್ ದ್ರಾವಣ ಹಾಕಿದಾಗ ಏನಾಗುವುದು?

8 ನೇ ತರಗತಿ ಗಣಿತ ಘಟಕ ಪರೀಕ್ಷಾ ಪ್ರಶ್ನೆಗಳು

I.ಸರಿಯಾದ ಉತ್ತರವನ್ನು ಆರಿಸಿ ಬರೆಯಿರಿ.

1. BA +25 =B2 ರಲ್ಲಿ A,B ಗಳು ಅಂಕಿಗಳಾದರೆ A ಯ ಬೆಲೆ :

    ಎ) 5          ಬಿ) 2             ಸಿ) 6          ಡಿ) 7

2.  31y5 ಎಂಬಂದು 9 ರ ಗುಣಕವಾಗಿದ್ದು y ಒಂದು ಅಂಕಿ ಆದರೆ y ಬೆಲೆ ;

     ಎ) 6           ಬಿ) 7            ಸಿ) 8         ಡಿ) 0

3.  392_  ಈ ನಾಲ್ಕಂಕಿ ಸಂಖ್ಯೆಯು 3ರ ಗುಣಕವಾಗಿದೆ. ಹಾಗಾದರೆ ಖಾಲಿ ಬಿಟ್ಟ ಬಿಡಿ ಸ್ಥಾನದ ಅಂಕಿ;

     ಎ) 2            ಬಿ) 3          ಸಿ) 4          ಡಿ) 5

4. a/b ನ ಸಂಕಲನದ ವಿಲೋಮಾಂಶ

     ಎ)a            ಬಿ) b           ಸಿ) 0       ಡಿ)-a/b

5, x-2=7 ಸಮೀಕರಣದ ಪರಿಹಾರ;

      ಎ) 9          ಬಿ) 5           ಸಿ) 7       ಡಿ) -9

II.ಒಂದು ಜೋಡಿ ಸಂಬಂಧ ಅರಿತು ಇನ್ನೊಂದು ಜೋಡಿ ಪೂರ್ಣಗೊಳಿಸಿ.

 1.1A×A=9A : A= 6    : :   2B x B = 12B :_________

2. 1210 :    2,5,10    : :    594 : ________

3.ಗುಣಾಕಾರದ ಅನನ್ಯತಾಂಶ : ______ : : ಸಂಕಲನದ ಅನನ್ಯತಾಂಶ : 0

4. x - 2 =7   :  9    : :    y+3= 10 :______

5.2x+3x=10 : 5x=10    : :    5y-2y=12 : ______

III.ಹೊಂದಿಸಿ ಬರೆಯಿರಿ.

1.ಆವೃತ ಗುಣ                   --- a + b = b + a

2.ಪರಿವರ್ತನಿಯ ನಿಯಮ   --- a +(b + c) = (a + b) + c

3.ಸಹವರ್ತನಿಯ ನಿಯಮ   --- a (b + c) = ab + ac

4,ವಿಭಾಜಕ ನಿಯಮ           --- a + b ∈ R

IV.ಬಿಟ್ಟ ಸ್ಥಳಗಳನ್ನು ಸೂಕ್ತ ಉತ್ತರಗಳಿಂದ ಭರ್ತಿ ಮಾಡಿ.

1.ಒಂದು ಸಂಖ್ಯೆಯ ಬಿಡಿ ಸ್ಥಾನ ________ ಆದಾಗ ಮಾತ್ರ ಅದು ಹತ್ತರಿಂದ ಪೂರ್ಣವಾಗಿ ಭಾಗವಾಗುತ್ತದೆ.

2.ಸಂಖ್ಯೆಗಳಾದ_____ ಮತ್ತು _____ ಗಳಿಗೆ ತಾವೇ ವ್ಯುತ್ಕ್ರಮಗಳು.

3. 3x= 2x+18 ರಲ್ಲಿ x = __________

4.ಒಂದು ಸಂಖ್ಯೆಗೆ 5ನ್ನು ಸೇರಿಸಿದಾಗ 30 ಬರುತ್ತದೆ.ಇದರ ಸಮೀಕರಣ ರೂಪ ___________

V.ಸರಿಯೋ ತಪ್ಪೋ ತಿಳಿಸಿ.

1.616 ಸಂಖ್ಯೆಯು 3 ರಿಂದ ಪೂರ್ಣವಾಗಿ ಭಾಗವಾಗುತ್ತದೆ.

2.ದತ್ತ ಸಂಖ್ಯೆಯ ಅಂಕಿಗಳನ್ನು ಕೂಡುತ್ತಾ ಬಂದಾಗ ಏಕಾಂಕವು 9 ಆದರೆ ಆ ಸಂಖ್ಯೆಯು 9 ರಿಂದ ಭಾಗವಾಗುತ್ತದೆ.

3.ಬಾಗಲಬ್ಧ ಸಂಖ್ಯೆಗಳು ಸಂಕಲನದ ಪರಿವರ್ತನೀಯ ಗುಣವನ್ನು ಹೊಂದಿವೆ.

4. 2x = 8 ಆದಾಗ x =⁸/₂ ಆಗುತ್ತದೆ.

VI.ಕೆಳಗಿನವುಗಳಿಗೆ ಕಿರು ಉತ್ತರ ಕೊಡಿ.

 1.  2,3,5,9,10 ಗಳಿಂದ ಪೂರ್ಣವಾಗಿ ಭಾಗವಾಗುವ ಒಂದು  ಮೂರಂಕಿ ಸಂಖ್ಯೆ  ರಚಿಸಿ.

2. 21013 ವು 9 ರಿಂದ ಪೂರ್ಣವಾಗಿ ಭಾಗವಾಗಲು ಅದಕ್ಕೆ ಕೂಡ ಬೇಕಾದ ಕನಿಷ್ಠ ಸಂಖ್ಯೆ  ಏನು?

3. 2x/3 = 18 ಸಮೀಕರಣ ಬಿಡಿಸಿರಿ.

4.ಬೈಚುಂಗನ ಅಪ್ಪ ಬೈಚುಂಗನ ಅಜ್ಜನಿಗಿಂತ 26 ವರ್ಷ ಚಿಕ್ಕವನು ಮತ್ತು ಬೈಚುಂಗನಿಗಿಂತ 29 ವರ್ಷ ದೊಡ್ಡವನು. ಮೂವರ ವಯಸ್ಸುಗಳ ಮೊತ್ತ 135 ವರ್ಷಗಳು.ಇದನ್ನು ಸಮೀಕರಣ ರೂಪದಲ್ಲಿ ಬರೆಯಿರಿ.

VII.ಈ ಕೆಳಗಿನ ಲೆಕ್ಕಾಚಾರಗಳಿಗೆ ನೀಡಿರುವ ಹಂತಗಳನ್ನು ಅನುಕ್ರಮವಾಗಿ ಒಂದರ ಕೆಳಗೆ ಒಂದರಂತೆ ಜೋಡಿಸಿ ಬರೆಯಿರಿ.

1. -⅚ ಮತ್ತು ⅝ ಇವುಗಳ ನಡುವೆ ಯಾವುದಾದರೂ 10 ಭಾಗಲಬ್ಧ ಸಂಖ್ಯೆ ಬರೆಯುವುದು.

[-5×4/6×4 = 20/24]   [-19/24, -18/24, -17/24 ….14/24]     [5×3/8×3 =15/24]   [6,8 ಗಳ ಲಸಾಅ = 24]

2.ಸಮೀಕರಣ ಬಿಡಿಸುವುದು [8x +4=3 (x-1)+7]  [5x = 0]   [8x-3x=4-4]   [x=0]   [8x +4=3x-3+7]   [x =⁰/₅]

3.ಸಮೀಕರಣ ಬಿಡಿಸಿ; [10x+7=3x-28]   [7x=-35]    [x=-5]     [10x-3x= -28 -7]     [x=-³⁵/₇]

      

ರಾಸಾಯನಿಕ ಕ್ರಿಯೆಯ ಗುಣಲಕ್ಷಣಗಳು -ಪರಿಕಲ್ಪನಾ ನಕ್ಷೆ (ಮೈಂಡ್ ಮ್ಯಾಪ್)

ಈ ಲೇಖನವನ್ನು ಮೈಂಡ್ ಮ್ಯಾಪ್ ಬಳಸಿಕೊಂಡು ಬರೆಯಲಾಗಿದೆ. ಮೈಂಡ್ ಮ್ಯಾಪ್ ನ ವೀಕ್ಷಣೆಗಾಗಿ ಇಮೇಜನ್ನು ಕ್ಲಿಕ್ ಮಾಡಿ.

ರಾಸಾಯನಿಕ ಕ್ರಿಯೆ ಎಂದರೇನು?

ರಾಸಾಯನಿಕ ಬಂಧಗಳನ್ನು ಒಡೆಯುವ ಮತ್ತು ಉಂಟುಮಾಡುವ ಕ್ರಿಯೆಯನ್ನು ರಾಸಾಯನಿಕ ಕ್ರಿಯೆ ಎನ್ನುತ್ತೇವೆ.

ರಾಸಾಯನಿಕ ಬಂಧ ಎಂದರೇನು?

ವಸ್ತುವಿನ/ಗಳ ಪರಮಾಣುಗಳ ನಡುವೆ ಇಲೆಕ್ಟ್ರಾನುಗಳನ್ನು ಬಿಟ್ಟುಕೊಡುವ ಅಥವಾ ಸ್ವೀಕರಿಸುವ  ಅಥವಾ ಹಂಚಿಕೊಳ್ಳುವುದರಿಂದ ಉಂಟಾಗುವ ಬಂಧವನ್ನು ರಾಸಾಯನಿಕ ಬಂಧ ಎನ್ನುತ್ತೇವೆ.

ಪ್ರತಿವರ್ತಕ ಗಳು ಎಂದರೇನು?

ರಾಸಾಯನಿಕ ಕ್ರಿಯೆಯಲ್ಲಿ ಪಾಲ್ಗೊಳ್ಳುವ ವಸ್ತುಗಳನ್ನು ಪ್ರತಿವರ್ತಕಗಳು ಎನ್ನುತ್ತೇವೆ.

ಉತ್ಪನ್ನಗಳು ಎಂದರೇನು?

ರಾಸಾಯನಿಕ ಕ್ರಿಯೆಯಿಂದ ಉಂಟಾದ ಹೊಸ ವಸ್ತುಗಳನ್ನು ಉತ್ಪನ್ನಗಳು ಎನ್ನುತ್ತೇವೆ.

  ನಾವು ಸಕ್ಕರೆಯನ್ನು ಕಾಯಿಸಿದಾಗ ಅದು ಹೊಸ ವಸ್ತುವಾಗಿ ಅಂದರೆ ಕಾರ್ಬನ್ ಮತ್ತು ನೀರಾವಿ ಗಳಾಗಿ ಬದಲಾಗುತ್ತದೆ.ಈ ಬದಲಾವಣೆಯನ್ನು ನಾವು ರಾಸಾಯನಿಕ ಬದಲಾವಣೆ ಎನ್ನುತ್ತೇವೆ.ಈ ರಾಸಾಯನಿಕ ಬದಲಾವಣೆಗೆ ಕಾರಣವಾದ ಕ್ರಿಯೆಯನ್ನು ರಾಸಾಯನಿಕ ಕ್ರಿಯೆ ಎನ್ನುತ್ತೇವೆ. ಇಲ್ಲಿ

ನಾವು ಸಕ್ಕರೆಯನ್ನು ಪ್ರತಿವರ್ತಕ ಎಂದರೆ ಕಾರ್ಬನ್ ಮತ್ತು ನೀರಾವಿ ಗಳನ್ನು ಉತ್ಪನ್ನಗಳು ಎನ್ನುತ್ತೇವೆ.

ರಾಸಾಯನಿಕ ಕ್ರಿಯೆಯ ಗುಣಲಕ್ಷಣಗಳು;

  1)ರಾಸಾಯನಿಕ ಕ್ರಿಯೆಯಲ್ಲಿ ಅನಿಲದ ಬಿಡುಗಡೆಯಾಗುತ್ತದೆ.

ಉದಾಹರಣೆಗೆ ಸೋಡಿಯಂ ಕಾರ್ಬೋನೇಟ್ ಮತ್ತು ಸಾರರಿಕ್ತ ಹೈಡ್ರೋಕ್ಲೋರಿಕ್ ಆಮ್ಲ ಗಳನ್ನು ಸೇರಿಸಿದಾಗ ಸೋಡಿಯಂ ಕ್ಲೋರೈಡ್, ನೀರು ಮತ್ತು ಇಂಗಾಲದ ಡೈಯಾಕ್ಸೈಡ್ ಉಂಟಾಗುತ್ತವೆ.ಇಲ್ಲಿ ಕಾರ್ಬನ್ ಡೈಆಕ್ಸೈಡ್ ಎಂಬುದು ಒಂದು ಅನಿಲವಾಗಿದೆ.

2)ಬಣ್ಣದಲ್ಲಿ ಬದಲಾವಣೆ ;

ಉದಾಹರಣೆಗೆ ಪರ್ಪಲ್ ಬಣ್ಣದ ಪೊಟ್ಯಾಶಿಯಂ ಪರಮಾಂಗನೇಟ್ ಗೆ ನಿಂಬೆರಸವನ್ನು ಸೇರಿಸಿದಾಗ ಅದು ಬಣ್ಣರಹಿತ ದ್ರಾವಣವಾಗುತ್ತದೆ.

3)ಪ್ರಸಿಪಿಟೇಟ್(ಅವಕ್ಷೇಪ) ಉಂಟಾಗುವಿಕೆ;

ಉದಾಹರಣೆಗೆ ದ್ರವೀಯ ಬೇರಿಯಂ ಕ್ಲೋರೈಡ್ ಅನ್ನು ದ್ರವೀಯ ಸಲ್ಫ್ಯೂರಿಕ್ ಆಮ್ಲ ಕ್ಕೆ ಸೇರಿಸಿದಾಗ ಬಿಳಿ ಬಣ್ಣದ ಅವಕ್ಷೇಪವಾದ ಬೇರಿಯಂ ಸಲ್ಫೇಟ್ ಮತ್ತು ಹೈಡ್ರೋಕ್ಲೋರಿಕ್ ಆಮ್ಲ ಉಂಟಾಗುತ್ತದೆ.

4)ಸ್ಥಿತಿಯ ಬದಲಾವಣೆ ;

ಉದಾಹರಣೆಗೆ ಮೇಣದ ಬತ್ತಿಯನ್ನು ಸುಟ್ಟಾಗ ಮಸಿ, ಕಾರ್ಬನ್ ಡೈಆಕ್ಸೈಡ್ ಮತ್ತು ಇತರ ಅನಿಲಗಳು ಉತ್ಪತ್ತಿಯಾಗುತ್ತವೆ.

ಬೆಳಕಿನ ವಕ್ರೀಭವನ -ಪರಿಕಲ್ಪನೆಯ ಮೈಂಡ್ ಮ್ಯಾಪ್

'ಬೆಳಕಿನ ವಕ್ರೀಭವನ ಪರಿಕಲ್ಪನೆಯ  ಮೈಂಡ್ ಮ್ಯಾಪ್' - ಈ ಲೇಖನವನ್ನು ಮೈಂಡ್ ಮ್ಯಾಪ್ ಅನ್ನು ಬಳಸಿಕೊಂಡು ಬರೆಯಲಾಗಿದೆ.

ಬೆಳಕಿನ ವಕ್ರೀಭವನ ಎಂದರೇನು?

ಬೆಳಕಿನ ವಕ್ರೀಭವನವು ಒಂದು ವಿದ್ಯಮಾನ.

ಬೆಳಕು ಒಂದು ಮಾಧ್ಯಮದಿಂದ ಇನ್ನೊಂದು ಮಾಧ್ಯಮಕ್ಕೆ ಓರೆಯಾಗಿ ಚಲಿಸುವಾಗ ತನ್ನ ಪ್ರಸರಣದ ದಿಕ್ಕನ್ನು ಬದಲಿಸುತ್ತದೆ.ಈ ವಿದ್ಯಮಾನವನ್ನು ಬೆಳಕಿನ ವಕ್ರೀಭವನ ಎನ್ನುತ್ತೇವೆ.

  ಬೆಳಕು ಬೇರೆ ಬೇರೆ ಮಾಧ್ಯಮದಲ್ಲಿ ಬೇರೆ ಬೇರೆ ವೇಗವನ್ನು ಹೊಂದಿರುತ್ತದೆ.ಏಕೆಂದರೆ ಬೇರೆ ಬೇರೆ ಮಾಧ್ಯಮಗಳ ಸಾಂದ್ರತೆ ಬೇರೆ ಬೇರೆಯಾಗಿರುತ್ತದೆ.

ಈ ಕಾರಣದಿಂದ ಮಾಧ್ಯಮದಿಂದ ಮಾಧ್ಯಮಕ್ಕೆ ಬೆಳಕು ಸಾಗುವಾಗ ಅದರ ವೇಗದಲ್ಲಿ ಬದಲಾವಣೆಯಾಗುತ್ತದೆ. ವೇಗ ಬದಲಾವಣೆಯಾದಾಗ ಅದರ ಪ್ರಸರಣದ ದಿಕ್ಕು ಬದಲಾಗುತ್ತದೆ.ಎರಡನೇ ಮಾಧ್ಯಮದಲ್ಲಿ ಬೆಳಕಿನ ವೇಗ ಹೆಚ್ಚಾದರೆ,ಎರಡು ಮಾಧ್ಯಮಗಳ ಸಂಪರ್ಕ ಮೇಲ್ಮೈಗೆ ಪತನ ಬಿಂದುವಿನಲ್ಲಿ ಎಳೆದ ಲಂಬದಿಂದ ದೂರಕ್ಕೆ ಬಾಗುತ್ತದೆ.ಅದೇ ರೀತಿ ಎರಡನೇ ಮಾಧ್ಯಮದಲ್ಲಿ ಬೆಳಕಿನ ವೇಗ ಕಡಿಮೆಯಾದರೆ ಅದು ಪತನ ಬಿಂದುವಿನಲ್ಲಿ ಎಳೆದ ಲಂಬದ ಕಡೆಗೆ ಬಾಗುತ್ತದೆ.

ಬೆಳಕಿನ ವಕ್ರೀಭವನದ ನಿಯಮಗಳು ;

I.ಬೆಳಕಿನ ವಕ್ರೀಭವನವಾದಾಗ, ಪತನ ಕಿರಣ,ವಕ್ರಿಮ ಕಿರಣ ಮತ್ತು ಪತನ ಬಿಂದುವಿನಲ್ಲಿ ಎರಡು ಮಾಧ್ಯಮಗಳ ಸಂಪರ್ಕ ಮೇಲ್ಮೈಗೆ ಎಳೆದ ಲಂಬ ಇವು 3 ಒಂದೇ ಸಮತಲದಲ್ಲಿ ಇರುತ್ತವೆ.

II.ಪತನಕೋನದ ಸೈನು ಮತ್ತು ವಕ್ರಿಮ ಕೋನದ ಸೈನು ಗಳಿಗೆ ಇರುವ ಅನುಪಾತ ಒಂದು ಸ್ಥಿರಾಂಕ ವಾಗಿರುತ್ತದೆ.

ಇದನ್ನು ಸ್ನೆಲ್ ನ ವಕ್ರೀಭವನದ ನಿಯಮ ಎನ್ನುತ್ತಾರೆ.

       ಈ ಸ್ಥಿರಾಂಕ ವನ್ನು ಒಂದನೇ ಮಾಧ್ಯಮಕ್ಕೆ ಸಂಬಂಧಿಸಿದಂತೆ ಎರಡನೇ ಮಾಧ್ಯಮದ ಸಾಪೇಕ್ಷ ವಕ್ರೀಭವನ ಸೂಚ್ಯಂಕ ಎನ್ನುತ್ತಾರೆ.

ವಕ್ರೀಭವನ ಸೂಚ್ಯಂಕ =ಒಂದನೇ ಮಾಧ್ಯಮದಲ್ಲಿ ಬೆಳಕಿನ ವೇಗ /ಎರಡನೇ ಮಾಧ್ಯಮದಲ್ಲಿ ಬೆಳಕಿನ ವೇಗ. ----> n = v1/v2

ಒಂದನೇ ಮಧ್ಯಮವು ಗಾಳಿ ಅಥವಾ ನಿರ್ವಾತ ಆದಾಗ ಎರಡನೇ ಮಧ್ಯಮದ ವಕ್ರೀಭವನ ಸೂಚ್ಯಂಕ n = C/v .

ಇದನ್ನು ಎರಡನೇ ಮಧ್ಯಮದ ನಿರಪೇಕ್ಷ ವಕ್ರೀಭವನ ಸೂಚ್ಯಂಕ ಎನ್ನುತ್ತೇವೆ.

  ಒಂದು ಮಾಧ್ಯಮದ ಅಥವಾ ವಸ್ತುವಿನ ವಕ್ರೀಭವನ ಸೂಚ್ಯಂಕವು ಹೆಚ್ಚಾಗಿದ್ದರೆ ಅದು ಸಾಪೇಕ್ಷವಾಗಿ ದೃಕ್ ಸಾಂದ್ರ ಮಾಧ್ಯಮವಾಗಿರುತ್ತದೆ.ಅದೇ ರೀತಿ ಒಂದು ವಸ್ತುವಿನ  ನಿರಪೇಕ್ಷ ವಕ್ರೀಭವನ ಸೂಚ್ಯಂಕವು ಕಡಿಮೆಯಾಗಿದ್ದರೆ ಅದು ದೃಕ್ ವಿರಳ ಮಾಧ್ಯಮವಾಗಿರುತ್ತದೆ.

ಈ ಲೇಖನವನ್ನು ಮೈಂಡ್ ಮ್ಯಾಪ್ ಅನ್ನು ಬಳಸಿಕೊಂಡು ಬರೆಯಲಾಗಿದೆ.

ಬೆಳಕು - ಪರಿಕಲ್ಪನಾ ನಕ್ಷೆ ( ಮೈಂಡ್ ಮ್ಯಾಪ್)

ಬೆಳಕು ಪರಿಕಲ್ಪನೆಯ ಈ ಲೇಖನವನ್ನು ಮೈಂಡ್ ಮ್ಯಾಪ್ ರಚಿಸಿಕೊಂಡು ಬರೆಯಲಾಗಿದೆ.

ಬೆಳಕು ಎಂದರೇನು?

ಬೆಳಕು, ಶಕ್ತಿಯ ರೂಪಗಳಲ್ಲಿ ಒಂದು.

ಬೆಳಕಿನ ಮೂಲಗಳನ್ನು ಎರಡು ವಿಧಗಳಾಗಿ ವರ್ಗೀಕರಿಸಬಹುದು. ಅವುಗಳೆಂದರೆ ನೈಸರ್ಗಿಕ ಮೂಲಗಳು ಮತ್ತು ಕೃತಕ ಮೂಲಗಳು.

ಬೆಳಕಿನ ನೈಸರ್ಗಿಕ ಮೂಲಗಳಿಗೆ ನಕ್ಷತ್ರಗಳು ಮಿಂಚುಹುಳು ಇತ್ಯಾದಿ ಉದಾಹರಣೆಗಳಾಗಿವೆ.ವಿದ್ಯುತ್ ಬಲ್ಬ್ ಮೇಣದಬತ್ತಿ ಇತ್ಯಾದಿ ಬೆಳಕಿನ ಕೃತಕ ಮೂಲಗಳಿಗೆ ಉದಾಹರಣೆಗಳಾಗಿವೆ.

ಬೆಳಕಿನ ಪ್ರತಿಫಲನ ಎಂದರೇನು?

ಬೆಳಕು ವಸ್ತುವಿನ ಮೇಲೆ ಬಿದ್ದು ಹಿಂದಕ್ಕೆ ಬರುವುದಕ್ಕೆ ಬೆಳಕಿನ ಪ್ರತಿಫಲನ ಎನ್ನುತ್ತೇವೆ.

ಬೆಳಕಿನ ಪ್ರತಿಫಲನ ವನ್ನು ಎರಡು ವಿಧಗಳಾಗಿ ವರ್ಗೀಕರಿಸಬಹುದು. ಅವುಗಳೆಂದರೆ; ನಿಯತ ಪ್ರತಿಫಲನ ಮತ್ತು ಅನಿಯತ ಪ್ರತಿಫಲನ .

ನಿಯತ ಪ್ರತಿಫಲನವು ಸಮತಲ ಮೇಲ್ಮೈಯಲ್ಲಿ ಉಂಟಾಗುತ್ತದೆ.ನಿಯತ ಪ್ರತಿಫಲನ ವಾದಾಗ ಸ್ಪಷ್ಟ ಪ್ರತಿಬಿಂಬ ಉಂಟಾಗುತ್ತದೆ.ಆದರೆ ಅನಿಯತ ಪ್ರತಿಫಲನವು ಸಮತಲವಾಗಿ ಇಲ್ಲದ ಮೇಲ್ಮೈಯಲ್ಲಿ ಉಂಟಾಗುತ್ತದೆ.ಇಲ್ಲಿ ಪ್ರತಿಬಿಂಬವು ಸ್ಪಷ್ಟವಾಗಿ ಕಾಣುವುದಿಲ್ಲ.

ಬೆಳಕಿನ ಪ್ರತಿಫಲನದ ನಿಯಮಗಳು :

ಬೆಳಕಿನ ಪ್ರತಿಫಲನ ವಾದಾಗ ಎರಡು ನಿಯಮಗಳ ಅನುಸಾರ ಉಂಟಾಗುತ್ತದೆ.

ಅವುಗಳೆಂದರೆ;

I.ಬೆಳಕಿನ ಪ್ರತಿಫಲನ ವಾದಾಗ,ಪತನ ಕಿರಣ, ಪ್ರತಿಫಲನ ಕಿರಣ ಮತ್ತು ಪತನ ಬಿಂದುವಿನಲ್ಲಿ ಎಳೆದ ಲಂಬ ಇವು ಮೂರು ಒಂದೇ ಸಮತಲದಲ್ಲಿ ಇರುತ್ತವೆ.

II.ಬೆಳಕಿನ ಪ್ರತಿಫಲನ ವಾದಾಗ ಪತನ ಕೋನವು ಪ್ರತಿಫಲನ ಕೋನಕ್ಕೆ ಸಮವಾಗಿರುತ್ತದೆ.

ದರ್ಪಣ ಎಂದರೇನು?

ನುಣುಪಾದ ಪ್ರತಿಫಲಿಸುವ ಮೇಲ್ಮೈಯನ್ನು ದರ್ಪಣ ಎನ್ನುತ್ತೇವೆ.

ದರ್ಪಣದ ವಿಧಗಳು;

ದರ್ಪಣವನ್ನು ಎರಡು ವಿಧಗಳಾಗಿ ವರ್ಗೀಕರಿಸಬಹುದು.ಅವುಗಳೆಂದರೆ;ಸಮತಲ ದರ್ಪಣ ಮತ್ತು ಗೋಳೀಯ ದರ್ಪಣ.ದರ್ಪಣದ ಮೇಲ್ಮೈ ಸಮತಟ್ಟಾಗಿದ್ದರೆ ಅದನ್ನು ಸಮತಲ ದರ್ಪಣ ಎನ್ನುತ್ತೇವೆ.ದರ್ಪಣದ ಮೇಲ್ಮೈ ಗೋಳದ ಭಾಗದಂತಿದ್ದರೆ ಅದನ್ನು ಗೋಳೀಯ ದರ್ಪಣ ಎನ್ನುತ್ತೇವೆ.

ಗೋಳಿಯ ದರ್ಪಣವನ್ನು ಎರಡು ವಿಧಗಳಾಗಿ ವರ್ಗೀಕರಿಸಬಹುದು, ಅವುಗಳೆಂದರೆ; ಪೀನ ದರ್ಪಣ ಮತ್ತು ನಿಮ್ನ ದರ್ಪಣ.

ದರ್ಪಣದ ಮೈ ಉಬ್ಬಿದ್ದರೆ ಅದನ್ನು ಪೀನ ದರ್ಪಣ ಎನ್ನುತ್ತೇವೆ.

ದರ್ಪಣದ ಮೈ ತಗ್ಗಾಗಿದ್ದರೆ ಅದನ್ನು ನಿಮ್ನ ದರ್ಪಣ ಎನ್ನುತ್ತೇವೆ.

ಬೆಳಕು ವಸ್ತುವಿನ ಮೇಲೆ ಬಿದ್ದಾಗ ಏನಾಗುತ್ತದೆ?

ಬೆಳಕು ವಸ್ತುವಿನ ಮೇಲೆ ಬಿದ್ದಾಗ ವಸ್ತುವಿನಿಂದ ಹೀರಲ್ಪಡಬಹುದು ಅಥವಾ ವಸ್ತುವಿನ ಮೂಲಕ ಹಾದು ಹೋಗಬಹುದು ಅಥವಾ ಪ್ರತಿಫಲಿಸಬಹುದು.

ಮೈಂಡ್ ಮ್ಯಾಪ್ ಅನ್ನು ಈ ಲೇಖನದೊಂದಿಗೆ ಲಗತ್ತಿಸಲಾಗಿದೆ.

ಸಸ್ಯಗಳು- ಪರಿಕಲ್ಪನೆ - 6ನೇ ತರಗತಿ

ಈ ಲೇಖನವನ್ನು ಮೈಂಡ್ ಮ್ಯಾಪನ್ನು ಬಳಸಿ ಬರೆಯಲಾಗಿದೆ.

ಸಸ್ಯಗಳು(plants) ಎಂದರೇನು ?

ತಮ್ಮ ಆಹಾರವನ್ನು ತಾವೇ ತಯಾರಿಸಿಕೊಳ್ಳಬಲ್ಲ ಜೀವಿಗಳ ವರ್ಗಕ್ಕೆ ಸಸ್ಯಗಳು ಎನ್ನುತ್ತೇವೆ.

ಸಸ್ಯಗಳನ್ನು ಅವುಗಳ ಕಾಂಡಗಳ  ಆಧಾರದ ಮೇಲೆ ನಾಲ್ಕು ಬಗೆಗಳಾಗಿ ವಿಂಗಡಿಸಲಾಗಿದೆ.

   ಗಿಡ್ಡಗಿರುವ, ಹಸಿರು ಮೃದು ಕಾಂಡವನ್ನು ಹೊಂದಿರುವ ಸಸ್ಯಗಳಿಗೆ ಗಿಡಮೂಲಿಕೆಗಳು(herbs) ಎನ್ನುತ್ತೇವೆ.

  ಮಧ್ಯಮ ಎತ್ತರ, ಸಣ್ಣ, ಗಟ್ಟಿ ಕಾಂಡವನ್ನು ಹೊಂದಿರುವ ಸಸ್ಯಗಳ ಗುಂಪಿಗೆ ಪೊದೆಗಳು(shrubs ) ಎನ್ನುತ್ತೇವೆ.

  ಎತ್ತರವಾಗಿರುವ, ದಪ್ಪ, ಗಟ್ಟಿಯಾದ ಕಾಂಡವನ್ನು ಹೊಂದಿರುವ ಸಸ್ಯಗಳಿಗೆ ಮರಗಳು(trees) ಎನ್ನುತ್ತೇವೆ.

  ದುರ್ಬಲ, ನೇರವಾಗಿ ನಿಲ್ಲಲಾಗದ, ಉದ್ದನೆಯ ಕಾಂಡವಿರುವ ಸಸ್ಯಗಳನ್ನು ಬಳ್ಳಿಗಳು ಎನ್ನುತ್ತೇವೆ.

ನೆಲದ ಮೇಲೆ ಹರಡುವ ಬಳ್ಳಿಗಳನ್ನು ನೆಲಬಳ್ಳಿಗಳು (creepers) ಎಂದರೆ, ಆಧಾರವನ್ನು ಪಡೆದು ಹತ್ತುವ ಬಳ್ಳಿಗಳನ್ನು ಅಡರು ಬಳ್ಳಿಗಳು(climbers) ಎನ್ನುತ್ತೇವೆ.

ಸಸ್ಯದ ಭಾಗಗಳನ್ನು ಗಮನಿಸೋಣ;

 ಸಸ್ಯವು ನಾಲ್ಕು ಪ್ರಮುಖ ಭಾಗಗಳನ್ನು ಒಳಗೊಂಡಿದೆ ಅವುಗಳು; ಎಲೆ, ಬೇರು, ಕಾಂಡ, ಹೂ ಆಗಿವೆ.

ಎಲೆಯು ಎಲೆತೊಟ್ಟು(petiole ) ಮತ್ತು ಪತ್ರಪಟಲ(lamina)ವನ್ನು ಹೊಂದಿದೆ.

ಪತ್ರಪಟಲದಲ್ಲಿರುವ ಗೆರೆಗಳಂತಹ ರಚನೆಗಳನ್ನು ಸಿರೆಗಳು(vein) ಎನ್ನುತ್ತೇವೆ. ಮತ್ತು ಈ ವಿನ್ಯಾಸವನ್ನು ಎಲೆಯ ಸಿರಾ ವಿನ್ಯಾಸ(leaf venation) ಎನ್ನುತ್ತೇವೆ.

ಮಧ್ಯದ ಗೆರೆಯನ್ನು ಮಧ್ಯ ಸಿರೆ(midrib) ಎನ್ನುತ್ತೇವೆ.

ಮಧ್ಯ ಸಿರೆಯ ಎರಡೂ ಕಡೆ ಬಲೆಯ ರೀತಿಯ ವಿನ್ಯಾಸವಿದ್ದರೆ ಅದನ್ನು ಜಾಲಿಕಾ ಸಿರಾ ವಿನ್ಯಾಸ (reticulate venation) ಎನ್ನುತ್ತೇವೆ.

ಮಧ್ಯ ಸಿರೆಯ ಎರಡೂ ಕಡೆ ಸಮಾನಾಂತರವಾಗಿ ಸಿರೆಗಳಿದ್ದರೆ ಅದನ್ನು ಸಮಾನಾಂತರ ಸಿರಾ ವಿನ್ಯಾಸ (parallel venation) ಎನ್ನುತ್ತೇವೆ.

ಬಾಷ್ಪವಿಸರ್ಜನೆ ಎಂದರೇನು? ದ್ಯುತಿಸಂಶ್ಲೇಷಣೆ ಎಂದರೇನು?

ಎಲೆಯು ಎರಡು ಪ್ರಮುಖ ಕಾರ್ಯಗಳನ್ನು ನಿರ್ವಹಿಸುತ್ತದೆ. ಅವುಗಳೆಂದರೆ;1)ಬಾಷ್ಪವಿಸರ್ಜನೆ(transpiration) ಅಂದರೆ ಸಸ್ಯದಲ್ಲಿರುವ ಹೆಚ್ಚುವರಿ ನೀರು ಪತ್ರಪಟಲದಲ್ಲಿರುವ ಸೂಕ್ಷ್ಮ ರಂಧ್ರಗಳ ಮೂಲಕ ಆವಿಯಾಗುತ್ತದೆ. ಇದನ್ನು ಬಾಷ್ಪವಿಸರ್ಜನೆ ಎನ್ನುತ್ತೇವೆ.

2) ದ್ಯುತಿಸಂಶ್ಲೇಷಣೆ;ಎಲೆಯು ನೀರು, ಸೂರ್ಯನ ಬೆಳಕು, ಕಾರ್ಬನ್ ಡೈಯಾಕ್ಸೈಡ್ ಗಳನ್ನು ಬಳಸಿಕೊಂಡು ಆಹಾರವನ್ನು ತಯಾರಿಸುತ್ತದೆ. ಈ ಪ್ರಕ್ರಿಯೆಯನ್ನು ದ್ಯುತಿಸಂಶ್ಲೇಷಣೆ(photosynthesis) ಎನ್ನುತ್ತೇವೆ.

  ಈಗ ಬೇರಿನ ಬಗ್ಗೆ ತಿಳಿಯೋಣ.ಬೇರುಗಳಲ್ಲಿ ತಾಯಿಬೇರು(taproot) ಮತ್ತು ತಂತು ಬೇರು(fibrous roots) ಎಂಬ ಎರಡು ವಿಧಗಳಿವೆ.ತಾಯಿ ಬೇರಿನಲ್ಲಿ ಬದಿಗಳಲ್ಲಿರುವ ಸಣ್ಣ ಬೇರುಗಳನ್ನು ಪಾರ್ಶ್ವ ಬೇರುಗಳು ಎನ್ನುತ್ತೇವೆ.

ತಾಯಿ ಬೇರಿರುವ ಸಸ್ಯಗಳ ಎಲೆಗಳು ಜಾಲಿಕ ಸಿರಾ ವಿನ್ಯಾಸವನ್ನು ಹೊಂದಿರುತ್ತವೆ.

ತಂತು ಬೇರುಗಳನ್ನು ಹೊಂದಿರುವ ಸಸ್ಯಗಳಲ್ಲಿ ಎಲೆಗಳು ಸಮಾನಾಂತರ ಸಿರಾ ವಿನ್ಯಾಸವನ್ನು ಹೊಂದಿರುತ್ತವೆ.

 ಕೆಲವೊಂದು ಸಸ್ಯಗಳಲ್ಲಿ ಬೇರುಗಳು ಮಣ್ಣಿನಿಂದ ನೀರು ಮತ್ತು ಖನಿಜಗಳನ್ನು ಹೀರುವುದರ ಜೊತೆಗೆ ಆಹಾರ ಶೇಖರಣೆಯ ಭಾಗವಾಗುತ್ತದೆ.ಸಿಹಿ ಗೆಣಸು,ಮೂಲಂಗಿ, ಕ್ಯಾರೆಟ್ ಗಳು ಇದಕ್ಕೆ ಉದಾಹರಣೆಗಳಾಗಿವೆ.

ಸಸ್ಯಗಳಲ್ಲಿ ಕಾಂಡವು ನೀರು, ಖನಿಜ, ಆಹಾರಗಳನ್ನು ಸಾಗಿಸುವ ಅಂಗಾಂಶಗಳನ್ನು ಹೊಂದಿದೆ.

ಸಸ್ಯಗಳಲ್ಲಿ ಹೂವು ಸಂತಾನೋತ್ಪತ್ತಿಯ ಭಾಗವಾಗಿದೆ.ಹೂ, ಪುಷ್ಪಪತ್ರ, ಪುಷ್ಪದಳಗಳು, ಶಲಾಕೆ, ಕೇಸರಗಳನ್ನು ಹೊಂದಿದೆ.

ಉಷ್ಣ ಎಂದರೇನು?

ನೀರಿನ ಭೌತಿಕ ಮತ್ತು ರಾಸಾಯನಿಕ ಗುಣಗಳು

ನೀರು ಹೈಡ್ರೋಜನ್ ಮತ್ತು ಆಕ್ಸಿಜನ್ ಗಳಿಂದಾದ ಒಂದು ಸಂಯುಕ್ತ ವಸ್ತುವಾಗಿದೆ.

ಶುದ್ಧ ನೀರಿನ  ಭೌತಿಕ ಲಕ್ಷಣಗಳು;

ಶುದ್ಧ ನೀರು ಬಣ್ಣವಿಲ್ಲದ ಪಾರದರ್ಶಕ ದ್ರವವಾಗಿದೆ.

ಶುದ್ಧ ನೀರಿಗೆ ವಾಸನೆಯಿಲ್ಲ, ರುಚಿಯಿಲ್ಲ.

ಶುದ್ಧ ನೀರು 100 ಡಿಗ್ರಿ ಸೆಲ್ಸಿಯಸ್ ನಲ್ಲಿ ಕುದಿಯುತ್ತದೆ ಮತ್ತು 0 ಡಿಗ್ರಿ ಸೆಲ್ಸಿಯಸ್ ನಲ್ಲಿ ಘನೀಭವಿಸುತ್ತದೆ.

ನೀರು ಒಂದು ಉಷ್ಣ ಅವಾಹಕ ವಸ್ತುವಾಗಿದೆ ಆದರೆ ನೀರು ಒಂದು ಅನುಷ್ಣವಾಹಕ ವಸ್ತು.ನೀರು ವಿದ್ಯುತ್ ನ ಅವಾಹಕ.ನೀರಿನಲ್ಲಿ ಮಿಶ್ರವಾಗಿರುವ ಲವಣಗಳಿಂದಾಗಿ ನೀರಿನಲ್ಲಿ ವಿದ್ಯುತ್ ಹರಿಯುತ್ತದೆ.

ನೀರು ಅಸಂಬದ್ಧ ವಿಕಾಸವನ್ನು ತೋರಿಸುತ್ತದೆ; ಅಂದರೆ ನೀರಿನ ತಾಪವನ್ನು 4 ಡಿಗ್ರಿ ಸೆಲ್ಸಿಯಸ್ ನಿಂದ 0 ಡಿಗ್ರಿ ಸೆಲ್ಸಿಯಸ್ ನವರಿಗೆ ಇಳಿಸುವಾಗ ನೀರು ಕುಗ್ಗುವ ಬದಲು ಹಿಗ್ಗುತ್ತದೆ.

ಮಂಜುಗಡ್ಡೆ ನೀರಿನಲ್ಲಿ ತೇಲುತ್ತದೆ ಏಕೆಂದರೆ ಮಂಜುಗಡ್ಡೆಯ ಸಾಂದ್ರತೆ ನೀರಿನ ಸಾಂದ್ರತೆಗಿಂತ ಕಡಿಮೆ.

ನೀರು ಒಂದು ಉತ್ತಮ ದ್ರಾವಕ ವಾಗಿದೆ. ನೀರನ್ನು ಸಾರ್ವತ್ರಿಕ ದ್ರಾವಕ ಎಂದೂ ಕರೆಯುತ್ತಾರೆ ಏಕೆಂದರೆ ನೀರಿನಲ್ಲಿ ಬಹುಪಾಲು ವಸ್ತುಗಳು ಕರಗುತ್ತವೆ.

ನೀರಿನ ರಾಸಾಯನಿಕ ಲಕ್ಷಣಗಳು;

ನೀರು ಒಂದು ತಟಸ್ಥ ದ್ರವ ಅಂದರೆ ನೀರು ಆಮ್ಲೀಯವೂ ಅಲ್ಲ ಪ್ರತ್ಯಾಮ್ಲೀಯವೂ ಅಲ್ಲ.ನೀರು ರಾಸಾಯನಿಕ ಕ್ರಿಯೆಗಳಿಗೆ ಮಾಧ್ಯಮವಾಗಿ ಮತ್ತು ಕ್ಯಾಟಲಿಸ್ಟ್ (ವೇಗವರ್ಧಕ ) ಆಗಿ ಕೆಲಸ ಮಾಡಬಲ್ಲದು.

ಪದಾರ್ಥಗಳು ನೀರಿನೊಂದಿಗೆ ಪ್ರತಿಕ್ರಿಯಿಸಿದಾಗ ಹೈಡ್ರೇಟ್ ಗಳನ್ನು ಕೊಡುತ್ತವೆ.

ನೀರು ಲೋಹಗಳೊಂದಿಗೆ ಪ್ರತಿಕ್ರಿಯಿಸಿ ಲೋಹದ ಆಕ್ಸೈಡ್ ಅಥವಾ ಲೋಹದ ಹೈಡ್ರಾಕ್ಸೈಡ್ ಗಳನ್ನು ಕೊಡುತ್ತದೆ.

ಉದಾಹರಣೆಗೆ,

2Na+2H2O→2NaOH+H2

Mg + H2O → MgO + H2

ಜೀವಿಗಳಲ್ಲಿ ಪೋಷಣೆ

ಪೋಷಣೆಯು ಜೀವ ಕ್ರಿಯೆಗಳಲ್ಲಿ ಒಂದು.

ಜೀವಿ ಜೀವಂತವಾಗಿರಲು ನಡೆಸುವ ಮೂಲ ಕ್ರಿಯೆಗಳನ್ನು ಜೀವಕ್ರಿಯೆಗಳು ಎನ್ನುತ್ತೇವೆ.

ಜೀವಿ ಸೇವಿಸಿದ ಆಹಾರವನ್ನು ಜೀರ್ಣಿಸಿ ದೇಹಗತ ಮಾಡಿಕೊಳ್ಳುವುದಕ್ಕೆ ಪೋಷಣೆ ಎನ್ನುತ್ತೇವೆ.

ಪೋಷಣೆಯ ಆಧಾರದ ಮೇಲೆ ಜೀವಿಗಳನ್ನು ಎರಡು ಬಗೆಗಳಾಗಿ ವಿಂಗಡನೆ ಮಾಡಬಹುದು, ಅವುಗಳೆಂದರೆ ಸ್ವಪೋಷಕಗಳು ಮತ್ತು ಪರಪೋಷಕಗಳು.

ತಮ್ಮ ಆಹಾರವನ್ನು ತಾವೇ ತಯಾರಿಸಿಕೊಳ್ಳುವ ಜೀವಿಗಳನ್ನು ಸ್ವಪೋಷಕಗಳು ಎನ್ನುತ್ತೇವೆ. ಉದಾಹರಣೆಗೆ ಎಲ್ಲಾ ಹಸಿರು ಸಸ್ಯಗಳು.

ತಮ್ಮ ಆಹಾರಕ್ಕಾಗಿ ಪ್ರತ್ಯಕ್ಷವಾಗಿ ಅಥವಾ ಪರೋಕ್ಷವಾಗಿ ಹಸಿರು ಸಸ್ಯಗಳನ್ನು ಅವಲಂಬಿಸಿರುವ ಜೀವಿಗಳನ್ನು ಪರಪೋಷಕಗಳು ಎನ್ನುತ್ತೇವೆ.ಉದಾಹರಣೆಗೆ ಪ್ರಾಣಿಗಳು .ಕೆಲವು ಪ್ರಾಣಿಗಳು ತಮ್ಮ ಆಹಾರಕ್ಕಾಗಿ ಪ್ರತ್ಯಕ್ಷವಾಗಿ ಅಂದರೆ ನೇರವಾಗಿ ಹಸಿರು ಸಸ್ಯಗಳನ್ನು ಅವಲಂಬಿಸಿರುತ್ತವೆ.ಅಂತಹ ಪ್ರಾಣಿಗಳನ್ನು ಸಸ್ಯಹಾರಿಗಳು ಎನ್ನುತ್ತೇವೆ.ಆದರೆ ಮತ್ತೆ ಕೆಲವು ಪ್ರಾಣಿಗಳು ತಮ್ಮ ಆಹಾರಕ್ಕಾಗಿ ಸಸ್ಯಹಾರಿ ಪ್ರಾಣಿಗಳನ್ನು ಅವಲಂಬಿಸಿರುತ್ತವೆ ಅಂದರೆ ಪರೋಕ್ಷವಾಗಿ ಸಸ್ಯಗಳನ್ನು ಅವಲಂಬಿಸಿರುತ್ತವೆ.ಈ ಜೀವಿಗಳನ್ನು ಮಾಂಸಹಾರಿಗಳು ಎನ್ನುತ್ತೇವೆ.

ಅಲ್ಲದೆ ಪತ್ರಹರಿತು ಇಲ್ಲದ ಕಸ್ಕ್ಯೂಟ ನಾಯಿಕೊಡೆ ಮುಂತಾದ ಸಸ್ಯಗಳು ಕೂಡ ತಮ್ಮ ಆಹಾರಕ್ಕಾಗಿ ಇತರ ಜೀವಿಗಳನ್ನು ಅವಲಂಬಿರುತ್ತವೆ. ಆದ್ದರಿಂದ ಇವುಗಳನ್ನು ಕೂಡ ಪರಪೋಷಕಗಳು ಎನ್ನುತ್ತೇವೆ.

ಸಸ್ಯಗಳಲ್ಲಿ ಲೈಂಗಿಕ ಸಂತಾನೋತ್ಪತ್ತಿ ( sexual reproduction).

   ಜೀವಿಗಳು  ಮರಿ ಜೀವಿಯನ್ನು ಹುಟ್ಟಿಸುವುದಕ್ಕೆ ಸಂತಾನೋತ್ಪತ್ತಿ (reproduction) ಎನ್ನುತ್ತೇವೆ

  ಸಂತಾನೋತ್ಪತ್ತಿ ಯಲ್ಲಿ ಎರಡು ವಿಧಗಳಿವೆ ;

ಲೈಂಗಿಕ ಸಂತಾನೋತ್ಪತ್ತಿ (sexual reproduction) ಮತ್ತು ನಿರ್ಲಿಂಗ ರೀತಿಯ ಸಂತಾನೋತ್ಪತ್ತಿ ( asexual reproduction).

ಲಿಂಗ ರೀತಿಯ ಸಂತಾನೋತ್ಪತ್ತಿ ಎಂದರೇನು ?

ಲಿಂಗಾಣುಗಳೆಂಬ ಏಕಕೋಶಿಯ ರಚನೆಗಳ ಸಂಯೋಗದಿಂದ ಹೊಸ ಜೀವಿ ಹುಟ್ಟುವುದಕ್ಕೆ ಲಿಂಗ ರೀತಿಯ ಸಂತಾನೋತ್ಪತ್ತಿ ಎನ್ನುತ್ತೇವೆ.

ಸಸ್ಯಗಳಲ್ಲಿ ಲಿಂಗ ರೀತಿಯ ಸಂತಾನೋತ್ಪತ್ತಿ ;

ಹೂವು ಸಸ್ಯದ ಸಂತಾನೋತ್ಪತ್ತಿಯ ಭಾಗವಾಗಿದೆ.ಪುಷ್ಪಪತ್ರ, ಪುಷ್ಪದಳಗಳು,ಕೇಸರಗಳು, ಶಲಾಕೆ ಹೂವಿನ ಭಾಗಗಳಾಗಿವೆ. ಕೇಸರಗಳಲ್ಲಿ ಪರಾಗರೇಣುಗಳಿದ್ದು ಗಂಡು ಲಿಂಗಾಣುಗಳನ್ನು ಒಳಗೊಂಡಿರುತ್ತದೆ.

ಶಲಾಕೆಯಲ್ಲಿ ಅಂಡಕೋಶವಿದ್ದು ಹೆಣ್ಣು ಲಿಂಗಾಣುವನ್ನು ಹೊಂದಿರುತ್ತದೆ.

   ಹೂವಿನಲ್ಲಿ ಎರಡು ವಿಧಗಳಿವೆ;ಏಕಲಿಂಗ ಪುಷ್ಪ ಮತ್ತು ದ್ವಿಲಿಂಗ ಪುಷ್ಪ.

ಏಕಲಿಂಗ ಪುಷ್ಪವು ಕೇಸರ ಅಥವಾ ಸಲಾಕೆಯನ್ನು ಹೊಂದಿರುತ್ತದೆ.ಕುಂಬಳದ ಹೂವು ಏಕಲಿಂಗ ಪುಷ್ಪಕ್ಕೆ ಉದಾಹರಣೆಯಾಗಿದೆ.

ದ್ವಿಲಿಂಗ ಪುಷ್ಪವು ಕೇಸರ ಮತ್ತು ಶಲಾಕೆ ಎರಡನ್ನೂ ಹೊಂದಿರುತ್ತದೆ. ಉದಾಹರಣೆಗೆ ದಾಸವಾಳ.

  ಪರಾಗಸ್ಪರ್ಶ (Pollination);ಒಂದು ಹೂವಿನಲ್ಲಿರುವ ಪರಾಗರೇಣುಗಳು ಅದೇ ಜಾತಿಯ ಹೂವಿನ ಶಾಲಾಕೆಯನ್ನು ತಲುಪುವುದಕ್ಕೆ ಪರಾಗಸ್ಪರ್ಶ ಎನ್ನುತ್ತೇವೆ.

ಪರಾಗಸ್ಪರ್ಶವು ಒಂದೇ ಹೂವಿನಲ್ಲಿ ನಡೆಯಬಹುದು ಅಥವಾ ಒಂದೇ ಜಾತಿಯ ಎರಡು ಹೂಗಳಲ್ಲಿ ನಡೆಯಬಹುದು.

ಒಂದು ಹೂವಿನಲ್ಲಿರುವ ಪರಾಗರೇಣುಗಳು ಅದೇ ಹೂವಿನ ಶಲಾಕಾಗ್ರವನ್ನು ತಲುಪುವುದಕ್ಕೆ ಸ್ವಕೀಯ ಪರಾಗಸ್ಪರ್ಶ ಎನ್ನುತ್ತೇವೆ.

ಒಂದು ಹೂವಿನಲ್ಲಿರುವ ಪರಾಗರೇಣುಗಳು ಅದೇ ಜಾತಿಯ ಬೇರೊಂದು ಹೂವಿನ ಶಲಾಕಾಗ್ರವನ್ನು ತಲುಪುವುದಕ್ಕೆ ಪರಕೀಯ ಪರಾಗಸ್ಪರ್ಶ ಎನ್ನುತ್ತೇವೆ.

ಪರಾಗಸ್ಪರ್ಶದ ಮೂಲಕ ಹೂವಿನಲ್ಲಿ ಗರ್ಭಧಾರಣೆಯಾಗುತ್ತದೆ.ಗರ್ಭಧಾರಣೆಯಾಗಿ ಅಂಡಾಶಯದಲ್ಲಿ ಬೀಜೋತ್ಪತ್ತಿ ಆಗುತ್ತದೆ.

ಈ ಬೀಜದಿಂದ ಹೊಸ ಸಸ್ಯ ಉತ್ಪತ್ತಿಯಾಗುತ್ತದೆ.

ವಿಸರ್ಜನೆ